Agahinda kenshi ka Jennifer Lopez katumye yiyumva nk’undi muntu

Gucika intege n’agahinda kenshi byatumye Jennifer Lopez yiyumva nk’undi muntu utabarizwa mu ruganda rwa sinema ya leta zunze ubumwe za Amerika rwitwa Hollywood.

Jennifer Lopez ni umukinnyikazi wa filime aho amaze kugaragara mu zisaga 30, akaba n’umuririmbyi mwiza ndetse akagira n’amaduka yita ku bwiza bw’abantu.

Mu minsi mike ishize aheruka gutangaza ko n’ubwo ari ikirangirire kandi akaba afite iterambere ryose yifuzaga, ngo n’ubundi rimwe na rimwe ajya yiyumva nk’undi muntu utandukanye cyane.

yagize ati ’’numva meze nk’umunyamahanga utazi iyo ibintu biva n’iyo bijya iyo nijyereranya n’ibindi byamamare byo muri sinema ya Hollywood cyangwa no mu muziki’’.

Mu kiganiro yagiranye n’itangazamakuru igihe yiteguraga gushyira hanze amashusho yerekana izina ry’uruganda rwe rwita ku bwiza yise JLo Beauty, uyu mugore w’imyaka 52 yagize ati ’’ Ni ingenzi cyane kuri twese kuba twakwiyumva nk’aho dufite ahantu runaka tubarizwa cyangwa tuba’’.

’’Gusa rimwe na rimwe hari igihe wumva umeze nk’umunyamahanga utazi iyo biva n’iyo bijya, ndacyiyumva muri ubwo buryo’’.

’’Gusa iyo bigenze gutyo uba ukeneye abantu bo kukuba hafi. Ndizera ko twese dufite imbaraga nyinshi muri twe zituma twiyumva nk’abadahagarikwa ’’.

’’Nakoze cyane ubuzima bwanjye bwose kugirango njyere aho ndi uyu munsi ndetse nize uburyo bwiza bwonyine bwo kumva ko uri mwiza, ubwo buryo ni ugukunda no kwiyakira wese uko uri.’’

Aya magambo yayatangaje nyuma y’uko yiyumvaga nk’uwasubiye inyuma cyane nyuma y’uko atasohotse ku rutonde rwa Oscar Nomination ku bagombaga guhabwa ibihembo muri filime ya HUSTLERS aho yayikinnyemo yitwa Ramona.

Mu kiganiro yagiranye na Oprah umwaka ushize yagize ati’’ Numvaga meze nk’uwatengushye buri muntu, nari ndakaye, mu bitangazamakuru byinshi harimo inkuru zimvugaho.’’

Benshi baravugaga bati ’’agiye kuza ku rutonde rwa Oscar Nomination, nta kabuza agomba kuruzaho, nibitaba ntibizaba bisobanutse’’ Nakomeje gusoma ibitekerezo by’abantu ndibaza nti ’’Mana yanjye koko ibi birashoboka ?’’.

’’Nyuma byarangiye ntasohotse ku rutonde, ndetse byaje gutuma niheba numva nsubiye inyuma cyane’’

Gusa ibyo ntibyakomye mu nkokora ikipe itunganya filime za Jennifer Lopez barongeye bamufasha kwisuganya ndetse ubu afite filime ebyiri zigiye gusohoka : ’Marry Me’ na ’Shotgun Wedding’.


N’ubwo ibi byose biri kuba kuri Jennifer Lopez, mu buzima busanzwe bw’urukundo muri iyi minsi ari kugaragara ateretana n’uwahoze ari umukunzi we Benn Affleck uzwi cyane muri sinema nka Batman.


Jennifer Lopez ni umwe mu byamamare bishaje ariko bitagaragara ku isura kuko uyu munsi afite imyaka 52 , bivugwa ko yaba yaribagishisje kenshi ariko we arabihakana.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO