Agarutse aho afata nko mu rugo The Ben yageze i Kampala

Mugisha Benjamin uzwi ku izina rya The Ben yagarutse mu gihugu yavukiyemo aho ahafata nko mu rugo ndetse uyu musore agiye gutaramira mu gitaramo giteganyijwe muri iri joro, ahitwa la Paloni Rooftop mu mujyi wa Kampala.

Umuhanzi The Ben yageze mu gihugu cya Uganda ku munsi w’ejo kuwa Kane Taliki ya 02 Kamena 2022.

Uyu muhanzi yakiriwe neza cyane mu gihugu cya Uganda nk’umuhanzi mukuru kandi ukunzwe cyane dore ko iki gihugu yakivukiyemo ndetse kugeza magingo aya akaba ari umwe mu bahanzi bakunzwe cyane muri iki gihugu.

Uyu musore yakiriwe neza n’abakobwa bo muri Uganda ku kibuga cy’indege ndetse banamugenera indabyo.

The Ben yagiranye ikiganiro n’itangazamakuru ndetse nyuma y’ikiganiro n’abanyamakuru, hahise ajyanwa aho yateguriwe gucumbika.


Bivugwa ko The Ben ari umwe mu bahanzi b’Abanyarwanda bakunzwe cyane mu gihugu cya Uganda biciye mu ndirimbo nyinshi yakoze zigakundwa cyane harimo n’izo yakoranye n’abahanzi bo muri iki gihugu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO