Aho amafaranga akubise haroroha! Chelsea umutoza ufite amahirwe kurusha abandi yatangiye kunugwanugwa

Mu gitondo cyo kuri uyu wa Gatandatu taliki ya 07 Nzeli 2022,nibwo abakunzi benshi b’umupira w’amaguru cyane cyane abafana b’ikipe ya Chelsea batunguwe kuko umutoza wayo Tuchel yamaze kwirukanwa ndetse urugamba rwo kwimika umutoza mushya rwamaze gutangira.

Umutoza Thomas Tuchel yirukanywe na Chelsea nyuma yo kumaramo imyaka 2 ari umutoza mukuru wayo ariko nyuma yo gutsindwa na Dinamo Zagreb ntabwo byatumye umuherwe yihangana.

Biravugwa ko Chelsea yasabye Brighton & Hove Albion kuba bayireka ikavugana n’umutoza wayo ‘’Graham Potter ‘uri kugaragaza urwego ruhanitse mu mitoreze.

Umutoza Graham Potter afite imyaka 47 ndetse amaze kugira Brighton ikipe itinyitse kugeza ubwo amakipe ajya guhura n’iyi kipe yikandagira.

Ikinyamakuru Metro cyatangaje ko Graham Potter ariwe uyoboye abandi batoza bifuzwa na Chelsea kugira ngo basimbure Thomas Tuchel kuri Stamford Bridge.

Mauricio Pochettino nawe ari ku isoko nyuma yo kwirukanwa muri Paris Saint-Germain mu mpera za shampiyona ishize.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO