Aho umutindi yanitse ntiriva Arsenal ntabwo ishimwa kabiri noneho ibyayo bisubiye I Rudubi

Mu mukino wakinwaga mu ijoro ryakeye wahuzaga amakipe y’amakeba kuva mu myaka irenga 100 ishize aho aya makipe yombi abarizwa mu mujyi wa London mu gihugu cy’Ubwongereza, gusa ikipe ya Tottenham yaje kuba yandagaza bikomeye ikipe ya Arsenal maze iyitsinda ibitego 3-0.

Uyu mukino wari ufite byinshi usobanuye ku makipe yombi dore koaya makipe akomeje kurwanira bikomeye umwanya wa 4 kugirango imwe muri aya makipe izabashe gukina Champions League umwaka utaha.

Ku munota wa 22 w’umukino ikipe ya Tottenham yahawe penaliti itavuzweho rumwe maze bituma umukinnyi Harry Kane afungura amazamu ikipe ya Tottenham itangira kuyobora umukino ityo.

Ikipe ya arsenal y’umutoza Mikel Arteta yakomeje kugorwa n’umukino bikomeye dore ko yaje kubona ikarita itukura yahawe umukinnyi Rob Holding nyuma yo gukurura umukinnyi Son.

ikipe ya Tottenham yaje kubona uburyo maze itsinda igitego cya kabiri n’ubundi cyatsinzwe na rutahizamu Harry Kane ku munota wa 33 w’umukino.

Arsenal yakomeje kurushwa bikomeye n’ikipe ya Tottenham gusa umuzamu w’iyi kipe akomeza kwigaragaza aho yagiye akuramo ibitego byari byabazwe.

Igice cya mbere cyarangiye Tottenham ifite ibitego 2-0, ndetse mu gice cya kabiri iyi kipe yahise itsinda igitego cya gatatu ku munota wa kabiri wigice cya kabiri ni igitego cyatsinzwe na Heung Min Son ukomoka muri Koreya y’epfo.

Kuri ubu ikipe ya Arsenal irimo kurusha inota rimwe gusa Tottenham mu gihe hasigaye imikino 2 gusa kugirango shampiyona igere ku musozo.

Kugirango ikipe ya Arsenal ikine Champions League irasabwa kudakora ikosa na rimwe ryatuma igira umukino itakaza mu mikino ibiri isigaranye.

Ikipe ya Arsenal igomba gukina n’ikipe ya Newcastle hamwe na Everton abenshi bakomeje kuvuga ko aya makipe yombi ashobora kuzagora iyi kipe yamamariza igihugu cy’U Rwanda biciye muri Visit Rwanda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO