Ahora ari bandebereho!Nyuma y’aho batagikina mu ikipe imwe Jack Grealish yacyeje Gabriel Jesus

Jack Grealish ukina mu ikipe ya Manchester City yatakagije Gabriel Jesus aho yahamije ko iteka ahora akora cyane kandi agakora ku buryo aba bandebereho mu kazi ke akorana n’abandi.

Jack Grealish kuri ubu ukinira ikipe ya Manchester City yatangiye avuga ko niyo wabaza buri mukinnyi wese wakinanye na Gabriel Jesus ngo atakwibagirwa kukubwira umurava udasanzwe uranga uyu mukinnyi iyo ari mu myitozo.

Uyu mukinnyi wa Manchester City Grealish yakomeje avuga ko yifuriza Gabriel Jesus kurushaho umurava we ndetse avuga ko yizeye ko muri Arsenal birimo kugenda neza kurusha Mbere.

Grealish yatangaje ko ngo yigeze kubaza Bukayo Saka ukinana na Jesus muri Arsenal maze ngo amutangariza ko ngo batangazwa n’imikinire y’uyu munya Brazil akenshi urangwa no kugira ishyaka rivanzemo ubuhanga budasanzwe kuburyo bose ngo babimukundira.

Uyu mukinnyi yakomeje avuga ko Jesus ari rutahizamu uhorana inyota yo gutsinda ibitego icyakora muri iyi minsi abakunzi b’umupira w’amaguru ntabwo bavuga rumwe kuri uyu rutahizamu aho bigaragara ko atakibona izamu nka mbere kandi yaratangiye atsinda ibitego ariko akaba asigaye atahira gufasha abandi mu gutsinda.


Jack Grealish ubwo yari akiri kumwe na Gabriel Jesus

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO