Akari ku mutima gasesekara ku munwa dore akari ku mutima wa Mikel Arteta nyuma yo kwisasira Liverpool

Umutoza Mikel Arteta nyuma yo gutsinda umukino wa Liverpool yaganirije itangazamakuru biratinda maze abasha kugaragaza amarangamutima ye ndetse agaragaza n’intego ze afite muri uyu mwaka w’imikino 2022/2023.

Umutoza Arteta yatangiye ashimira cyane ababkinnyi be muri rusange uburyo batanze byose kugirango bashimishe abakunzi ba Arsenal bari buzuye kuri Emirates Stadium ahamya ko yanejejwe n’uburyo babonyemo intsinzi.

Arteta yatangaje ko kuva yagera muri Arsenal ari ubwa Mbere abonye abafana bayo bishimye cyane ndetse avuga ko byafashije cyane abakinnyi be bikabongerera imbaraga n’umurava wo gushaka intsinzi.

Uyu mutoza yavuze ko kuba abafana bashyigikiye cyane ikipe byatumye ikipe yose muri rusange ibasha gukina neza cyane ndetse ikizere kirushaho kwiyongera ndetse yahamije ko kuva yagera muri Arsenal aricyo kintu kimushimishije kurusha ibindi byose.


Ubwo yabazwaga ku mukinnyi Martinelli yatangaje ko ari umukinnyi mwiza ndetse ufite akazoza gakomeye ndetse akomeza amushimira uburyo afata ibyemezo bikomeye bijyanye no kotsa igitutu uwo baba bahanganye .

Mikel Arteta yakomeje ahamya ko yashimishijwe n’uburyo Tomiyasu yakinnyemo akabasha gufata umukinnyi Salah kugirangoi adatsinda igitego ndetse yahamije ko imikinire ya Tomiyasu mu ijoro ryakeye ngo yari myiza cyane.

Kugeza ubu Arteta yasobanuye ko aaho ikipe ihagaze ari heza cyane ndetse avuga ko bagiye gukora ibishoboka byose iyi kipe igakomeza kwitwara neza ndetse ngo yizeye ko abakinnyi be bazarushaho gukora neza uko bashoboye kugirango bagume mu murongo mwiza wo gutsinda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.