Akon yasinye amasezerano yo kubaka umujyi we ‘Akon City’ muri Senegal (Amafoto)

Umuhanzi w’umunyamerika ukomoka mu gihugu cya Senegal [Akon] yatangaje ko yasoje amasezerano y’umujyi we yaniyitiriye ateganya kubaka ku ivuko iwabo.

Uyu muhanzi w’imyaka 46 y’amavuko umaze kubaka izina muri ba Rwiyemezamirimo,yasoje amasezerano y’inyigo yiswe ‘Akon City’ izibanda ku ngufu z’imirasire y’izuba.

Uyu muhanzi mu mwaka wa 2018 yari yaratangaje ko afite gahunda yo kuzakoresha ubutaka yahawe nk’impano na Perezida wa Senegal Macky Sall bungana na hectares 809.37128448.

Mu Kuboza umwaka ushize wa 2019, Akon aganira na Nick Cannon yagize ati: “intego mfitiye uyu mujyi iri mu myaka icumi, ariko ibi bikazakorwa mu bihe binyuranye.”

Akon yavuze ko batangiye kubaka muri Werurwe 2019, icyiciro cya kabiri kikaba kizakurikiraho mu mwaka wa 2025.

Uyu mujyi wa Akon, uzaba wihariye kuko ubucuruzi buzajya buwukorerwamo buzajya bwifashisha ifaranga ryitwa ‘Akoin’ ubu akaza ari ubucuruzi bw’ifashisha ikoranabuhanga rigezweho.

Ibi Akon yemeza ko iri koranabuhanga rizafasha abanyafurika kudahora bateze amaso gusa kuri za Leta zabo.

Mu mwaka wa 2015, uyu muhanzi yemeje umushinga w’ingufu z’imirasire y’izuba, warufite ingamba zo kugeza bene iyi mirasire ku banyafurika Miliyoni 600 binyuze mu mushinga we wiswe ‘Akon Lighting Africa Initiative’.

Ku bijyanye na raporo, zivuga ko Akon Lighting Africa imaze kugeza izi ngufu z’imirasire y’izuba mu bihugu 14 byo muri Afurika.

Dore igishushanyo mbonera cy’umujyi Akon agiye kubaka muri Senegal

Igishushanyo mbonera cy’umujyi wa Akon

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO