Akungo gashaje karyoshya imboga tayari Jose Mourinho mu marembo yinjira muri Paris Saint Germain

Jose Mourinho ukomoka muri Portugal, niwe watunguranye mu makuru ko ashobora gusimbura ,Mauricio Pochettino mu ikipe ya Paris Saint-Germain.

Uyu Pochettino ejo hazaza he i Paris harashidikanywaho nubwo yatwaye Ligue 1 mu mwaka w’imikino ushize.

Jose Mourinho niwe uhabwa amahirwe menshi yo guhabwa akazi kuri Parc des Prince agasimbura Pochettino urirukanwa vuba byanze bikunze.

Amakuru aravuga ko ikipe ya PSG yamaze kwemeza ko itazakomezanya n’uyu munya Argentina gusa hategerejwe ko Nasser El Khelaifi perezida w’ikipe ava mu biruhuko akaza kumuha ibaruwa.

Abayobozi ba PSG barashaka gushyiraho umutoza mushya bizera ko yabaha amahirwe yo gutwara igikombe cya Champions League ari nayo mpamvu bashaka Jose Mourinho kuko afite amateka akomeye muri iri rushanwa.

Magingo aya Jose Mourinho atoza AS Roma mu Butaliyani ndetse afatwa nk’umutoza ukomeye ku isi kuko aho anyura hose ahasiga ibikombe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO