Alain Muku agiye kugarura Gakondo n’abahanzi bayo, mu ‘Iserukiramuco ry‘I Rwanda’

Alain Bernard Mukuralinda umenyerewe mu gufasha abahanzi hano mu Rwanda,yiyemeje kugarura abahanzi baririmba Gakondo batitaweho,nyamara ibihangano by’abo bikoreshwa cyane ndetse bikaba binakunzwe mu byitwa ‘Karaoke’ kandi ba nyirabyo bagihari.

Alain Muku agaruka kucyo ‘Iserukiramuco ry’I Rwanda’ rigamije, yemeje ko gahunda yaru ari ugufata ibihangano by’umwimerere Nyarwanda, cyangwa se ibya Gakondo bicuranze mu njyana Gakondo, ndetse binacurangishije ibicurangisho bya Gakondo biri mu njyana yacu.
Alain Mukuralinda ntiyifuza ko injyana Gakondo izimira burundu
Genesisbizz iganira na Alain Muku yagize ati: “Ibi bihangano by’abo bita abashaje, (aba cyera) birakunzwe nyamara ugasanga ababiririmbye batitaweho kandi bagihari, nibagaruke nabo baseruke.”

Uretse aba bahanzi bavogerwa mu bihangano by’abo nyamara bagihari, Alain Muku yongeraho ko cyera ibitaramo wasangaga harimo amatorero abiri cyangwa atatu babyina indirimbo za Kinyarwanda, gusa ubu usanga bitagihari bityo byakagombye kugaruka bigasagamba.

Mu bahanzi bamaze kwegerwa na Alain Muku ndetse bakanemera ko bazitabira ‘Iserukiramuco ry’I Rwanda’ barimo Jean Paul Samputu, Byumvuhore Jean Baptiste, ndetse n’Itorero ry’Intayoberana.
Aba nibo bahanzi bakunzwe cyane mu njyana Gakondo bamaze kwemeza ko bazitabira ’Iserukiramuco ry’I Rwanda
Mu kwegereza aba bahanzi bakunzwe n’abanyarwanda bingeri zose, bazabataramira mu bice binyuranye by’igihugu ku ma stade ya Rusizi, Musanze, Nyagatare, Ngoma, Rubavu, ndetse na Huye.

Ibiciro byo kwinjira muri ibi bitaramo byose bizaba biri hasi, mu rwego rwo korohereza abakunda injyana Gakondo by’umwihariko abahanzi bazo bakazazibaririmbira mu majwi y’umwimerere kandi bishyuye macye guhera ku mafaranga 1000Frw ndetse n’ibihumbi 2000 Frw.

Alain Muku yemeza ko ‘Iserukiramuco ry’I Rwanda’ niriramuka rigenze neza, rizaba ngaruka mwaka, bityo abahanzi Gakondo bakazajya bazenguruka igihugu basusurutsa abanyarwanda bakunda ibihangano by’abo by’umwimerere aho kujya mu tubari ngo ziririmbwe n’abatazwi.

Iri serukiramuco rizatangira mu mpera z’ukwezi kwa Nyakanga 2020, risozwe mu mpera z’ukwezi kwa Kanama 2020 rimaze kuzenguruka ibyo bice byose by’igihugu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO