Alain Muku yasohoye indirimbo ikangurira Abanyafurika kunga ubumwe

Alain Mukurarinda yasohoye indirimbo nshya yise ‘United Africa’ aho aba akangurira Abanyafurika kunga ubumwe kuko aribyo bizatuma bahiga indi migabane bakaba aba mbere muri byose.

Iyi ndirimbo yahawe izina ryo mu cyongereza aririmba yakoresheje indimi zitandukanye ziganjemo ‘Ikinyarwanda n’igiswahili’ gusa hasi akagenda asemura ayo magambo mu rurimi rw’icyongereza hamwe n’igifaransa.

Muri iyi ndirimbo aba aririmba asaba Abanyafurika kunga ubumwe kugirango bagere ku byiza byinshi bahige indi migabane. Ati “Nitwunga ubumwe tuzabahiga!.”

Aganira na Genesisbizz/TV yavuze ko umugabane wa Afurika ari umwe mu ifite imitungo myinshi haba ku mabuye y’agaciro ndetse n’ibindi byinshi.

Ati “Twunze ubumwe twaba aba mbere kuko usanga abavuye hanze ya Afurika aribo baza gusahura iby’acu bikabakiza ariko ugasanga twe turacyari mu bukene nta gutera imbere, byose biterwa no kudashyira hamwe ngo tubyaze umusaruro iby’iwacu dufite.”

Iyi ndirimbo yayisohoye mu buryo bwa (Video lyrics) gusa amashusho yayo nayo azajya hanze nyuma kuko ashaka kuzanyura mu bihugu bitandukanye byo muri Afurika ahafatira ibice nyaburanga bitandukanye byo kuzifashisha ariko agamije kwerekana isura ya Afurika.

Indirimbo nshya ya Alain Muku

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO