Album ya Israel Mbonyi yabaye iy’umwaka muri Afurika y’Iburasirazuba

Umuhanzi ukora indirimbo zo kuramya no guhimbaza Imana Mbonyi Israel yahawe igihembo cy’umuhanzi wakoze Album nziza y’umwaka muri Afurika y’Iburasirazuba muri Maranatha music Awards.

Iyo Album ya Mbonyi yahawe igihembo ni iyitwa “Mbwira” yatoranyijwe nk’iyu mwaka wa 2020. Yarahatanye n’abandi bahanzi bakomoka mu bihugu birimo Uganda, Kenya, u Burundi, Tanzania, Ethiopie, Eritrea, Somalia na Sudani y’Epfo.

Abinyujije ku rukuta rwe rwa Instagram yashimye abategura ibi bihembo ati “ Album yanjye yatoranyijwe nk’inziza ya Gospel y’umwaka wa 2020 muri Easter Africa. Murakoze.”

Abakurikirana uyu muhanzi bagiye batanga ibitekerezo bamubwira ko icyo gihembo yari agikwiye.

Mbonyi niwe muhanzi Nyarwanda gusa wabashije kwegukana igihembo muri Maranatha music awards ihemba abahanzi babarizwa muri Gospel gusa ariko bakorera umuziki wabo muri Afurika.

Iyi album ‘Mbwira’ ya Israel Mbonyi iriho indirimbo nka Mbwira yanayitiriye, Karame, Intashyo, Number one, Yankuyeho urubanza, Indahiro, Sinzibagirwa,Hari ubuzima na Nzi ibyo nibwira.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO