Aldrin wabaye umuntu wa kabiri wakandagiye ku kwezi yishumbushe kurongora umugore ku isabukuru y’imyaka 93

Buzz Aldrin waciye agahigo ko gukandagira ku butaka bw’ukwezi nk’inyokomuntu ya kabiri, Yishumbushe kurongora umugore bari bamaranye igihe mu munyenga w’urukundo ubwo yuzuzaga isabukuru y’imyaka 93.

Buzz Aldrin ufatwa nk’umwe mu bahanga bakiriho ku isi mu bigendanye no kugurutsa ibyogajuru yashyingiwe Dr. Anca Faur bari bamaranye igihe kirekire mu rukundo.

Ni umwanzuro uyu musaza w’imyaka 93 avuga ko yafashe nyuma y’igihe kinini akundana n’uyu mugore mu birori byari byitabiriwe n’inshuti zabo nke mu birori byabereye i Los Angeles.

Mu mwaka wa 1969, nibwo Buzz Aldrin, Michael Collins hamwe na Neil Armstrong babaye abantu ba mbere bakandagije ikirenge ku kwezi mu butumwa bw’icyogajuru cya NASA, Apollo 11.

Kugeza ubu uyu mugabo niwe wenyine ukiriho mu bantu bageze kukwezi bwa mbere.

Uhereye ibumoso (Neil Armstrong, Mike Collins na Buzz Aldrin )

Buzz Aldrin yavukiye i New Jersey ku wa 20 Mutarama 1930, Mu 1951 yasoje amashuri muri kaminuza ya gisirikare ahita aba umuderevu w’indege z’intambara, Yarwanye mu ntambara ya Koreya zombi ndetse ahanura indege ebyiri za Mig-15 Jet mu nshuro 66 yagaragaye ku rugamba.

Mu mwaka wa 1963, afite imyaka 33 gusa yaje kubona impamyabushobozi y’ikirenga mu bigendanye n’ubugenge yakuye muri MIT, Nyuma aza gutoranywa nk’umwe mu bagurutsa ibyogajuru bya Gemini 12 flight byazengurukaga mu isanzure.

Mu mwaka wa 1969, Nibwo yaje gutoranywa nk’umwe mu bazagurutsa icyogajuru cya NASA mu butumwa Apollo 11 bwo kujya ku kwezi.

Uyu musaza yashakanye n’abagore batatu ndetse bose bahana gatanya aza kubabyaraho abana batatu, Ubu akaba ari kumwe n’urushako rwa kane

Buzz Aldrin n’urushako rwe rwa kane Anca Faur

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.