Ali Kiba yigannye mukeba we yubaka umusigiti

Si kera cyane humvikanye inkuru y’icyamamare Diamond Platnumz yagarutsweho na benshi nyuma y’uko atashye umusigiti ku ivuko ry’iwabo akaza kurwanywa n’abo mu idini rya Isilamu bavugaga ko ibyo yakoze bitaboneye, kuri ubu na Ali Kiba yamweretse uko bikorwa arawubaka.

Diamond yubatse umusigiti yise ‘Al Aziz Mosque’ ku ivuko ‘Kigoma’ muri Tanzaniya nk’ikimenyetso cyo gushimira imana mu myaka 10 yaramaze mu muziki.

Iki gitekerezo ariko nubwo cyumvikana ko ari inyamibwa, ntago kigeze cyakirwa neza n’aba Sheikh bo muri Tanzaniya, bitewe n’uko bavugaga ko aya mafaranga Diamond yubakishije uyu musigiti yayakuye mu ndirimbo zidahimbaza Imana.

Mukeba we Ali Saleh Kiba usanzwe uzwi mu muziki nka ‘Ali Kiba’ yateye ikirenge mucya Diamond yubaka umusigiti ku ivuko ahitwa Tabata, I Dar Es Salaam.

Mu birori byo gufungura ku mugaragaro uyu musigiti tariki 19 Mutarama 2020, Ali Kiba aherekejwe n’abo mu muryango we n’abayobozi muri Isilamu barawufunguye ndetse bawegurira abantu batuye muri ako gace.

Mama wa Ali Kiba yavuze ko uyu musigiti bubakiwe n’umwana we uzafasha Abasilamu batuye muri ako gace ka Tabata, kuko bajyaga bagorwa no kutisanzura mu gusenga bitewe n’umwanya muto w’aho basengeraga.

Umusigiti wa Diamond waranzwe!... Diamond ntabwo yigeze ahirwa n’umusigiti yubatse

Bihabanye cyane na Ali Kiba, Umusigiti wubatswe na Diamond wavuzweho byinshi n’abayobozi bo muri Isilamu bavugaga ko amafaranga yakoreshejwe atabonywe mu nzira z’iri mu myemerere y’idini ryabo.

Ibi byatangajwe n’umunyamabanga uhagarariye ibigo n’umuryango mugari w’abasilamu muri Tanzaniya Sheikh Issa Ponda, aho yanahamagariye abayobozi muri Isilamu kugira amakenga bakajya bakira gusa amaturo yanyuze mu nzira ziboneye.

Kugeza magingo aya benshi baribaza inzira zidasobanutse Diamond Platnumz yakuyemo amafaranga ye, itarigeze inyurwa na Ali Kiba cyane ko nawe asanzwe aririmba indirimbo zidahimbaza Imana.


Umusigiti Ali Kiba yubatse iwabo mu gace ka Tabata

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO