Aline Gahongayire avuga ko muri Kina Music yahaboneye Imana

Umuhanzikazi Aline Gahongayire ukora indirimbo zo kuramya no guhimbaza Imana avuga ko mu nzu ifasha abahanzi ya Kina Music naho hari mu hantu yagiye abonera Imana bitewe n’ibyo yahakoreye.

Uretse umuhanzi Butera Knowless, Igor Mabano na Nel Ngabo bafite amasezerano muri Kina Music hari n’abandi usanga ari inshuti z’iyi Label nka Aline Gahongayire, Tom Close na Platini.

Kuri Aline Gahongayire avuga ko inzu ya Kina Music yayikoreyemo indirimbo nyinshi zamugize uwo ariwe uyu munsi.

Abinyujije ku rukuta rwe rwa Instagram yashimiye umuyobozi mukuru wa Kina Music akaba na Producer we Ishimwe Clement.

Yagize ati “Imana ishimwe iteka ryose, yampitiyemo aheza nka hano Kina Music Record nahakoreye indirimbo nyinshi harimo Album yanjye ya kabiri Umukiza Wanjye.

Urugendo rw’umuziki rwaje kongera gukomeza nyuma y’ibihe bitari byoroshye byifuzaga kunshececekesha ariko IMANA yo kwizerwa yongera Kungirira ikizere ninjira muri iyi nzu nanone. 2017 ijwi ryanjye ryongera gufunguka nubwo ryari ryuzuye Amarira menshi ntegekwa guhamya imirimo y’Imana.”

Mu ndirimbo yakoreye muri Kina Music harimo nka ‘Warampishe, Iyabivuze, Niyo yabikoze, Ndanyuzwe, Ntabanga, Nzakomeza’ n’izindi nyinshi.

Gahongayire avuga ko muri Kina Music yahaboneye Imana. Ati “Imana izaguhe umugisha Bishop wanjye Ishimwe Clement.”

Gahongayire avuga ko Clement ari Bishop We

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO