Aline Gahongayire na Serge Rugamba basubiyemo indirimbo ya Alex Dusabe (Video)

Umuramyikazi Aline Gahongayire ukunzwe cyane hano mu Rwanda Mu Ndirimbo zo kuramya no guhimbaza Imana yahuje imbaraga na Serge Rugamba bakorana indirimbo bise Mwami Yesu yanditswe n’umunyabigwi mu Ndirimbo zo kuramya Alexis Dusabe.

Mu kiganiro na GenesisBizz Aline gahongayire yadutangarije ko icyatumye yifuza gusubiramo indirimbo Mwami Yesu ya Alexis Dusabe akayikorana na Serge Rugamba ari uko ayifata nk’iyibihe byose kuri we ngo kuko kuva mu myaka 10 ishize yayikundaga cyane.

Yagize ati “Iyi ndirimbo nyizi igihe kinini kuva nkiri muri korali. Iyi ndirimbo yakomeje gukora ku buzima bwanjye mu myaka myinshi. Narayikundaga kuva nkiri umwana, ifite ubutumwa bw’urugendo rwa Yesu n’agakiza, Mbese kuri njye n’indirimbo y’ibihe byose."

Tumubajije icyatumye atayikoranye na Nyirayo Dusabe Alexis agahitamo kuyikora n’undi muhanzi yadutangarije ko muri iyi minsi abakunzi be bari kumusaba gukora indirimbo na bandi bahanzi batandukanye bikaba byaramworohereye kuyikorana na Serge Rugamba kuko no mu buzima busanzwe bwa Muzika uyu muhanzi afasha Aline mu bijyanye n’imiririmbire, gusa yashimiye Alaexis Dusabe cyane Uruhare yayigizemo nkanyirayo kugira ngo isohoke ari nziza nka mbere.

Gahongayire asohora indirimbo ‘Mwami Yesu’ yayituye buri wese ukunda Imana. Ni indirimbo ivuga uburyo Umwami Yesu yitangiye umuntu, agapfa, agahambwa, akazuka maze abantu bakabona agakiza n’ubugingo buhoraho.

Iyi ndirimbo Mwami Yesu Aline Gahongayire ayishyize hanze nyuma yaho mu minsi Ishize yari yakoranye indi ndirimbo n’ n’umuhanzi Niyo Bosco bise Izindi mbaraga.

Indirimbo Mwami Yesu yakozwe mu buryo bw’amajwi na Producer Boris Higiro , Amashusho atunganywa na Harris , Seyn na Octave, Yandikwa na Alexis Dusabe. ikorerwa i Gisenyi muri New Jerusalem.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO