Alpha Rwirangira yakoreye ubukwe muri Canada n’undi mukobwa batabyaranye

Umuhanzi Nyarwanda uzwi ku mazina ya Alpha Rwirangira yakoze ubukwe mu mpera z’iki cyumweru n’umukunzi we witwa Liliane Umuziranenge nyuma yo gutandukana na Miss Uwingabire Esther bakundanye igihe kirekire bakanabyarana ariko bakaza gutandukana muri 2014.

Ubukwe bwa Alpha bwabaye tariki ya 22 Kanama 2020, bubera i Montreal muri Canada aho uyu muhanzi asigaye atuye kuko yavuye muri Leta Zunze Ubumwe z’Amerika.

Ubukwe bwabo bwitabiriwe ahanini n’Abanyarwanda baba muri Canada kuko abahanzi barimo Kaneza Isheja na Mighty Popo (Umuyobozi w’ishuri rya muzika ryo ku Nyundo) bari mu bataramiye abageni.

Urukundo rwa Alpha na Liliane ntabwo rwigeze rumenyekana cyane, uretse gusa inshuti z’aba bombi zari zibizi, gusa mu ntangiriro z’umwaka wa 2020 nibwo byatangiye guhwihwiswa ko Alpha yaba agiye gushinga urugo n’umukobwa icyo gihe wari utaramenyekana.

Ubu bukwe bwagombaga kuba muri Gicurasi ariko bigahagarikwa n’icyorezo cya Covid-19, niko kubyimurira muri uku kwezi kwa Munani 2020.


Alpha n’abasore bamwambariye mu bukwe

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO