Alyn Sano yahishuye ibitangaza Imana yamukoreye

Umuhanzikazi Alyn Sano kuri uyu wa gatandatu tariki ya 20 Ugushyingo 2021 ubwo yataramiraga abanyarwanda mu gitaramo cya Iwacu na Muzika yarizihiwe maze ahishura ibitangaza Imana yamukoreye mu rugendo rwe rwa Muzika

Uyu muhanzikazi yavuze ko nyuma yo kwinjira muri muzika yasabye Imana ko yazamuha amahirwe yo guhagaragara ku rubyiniro rwa Iwacu Muzika Festival aho yabonaga bigoye kuri we ndetse ahiga ko Imana nibimukorera azapfukama akayishima.

Mu magambo ye yavuze ko bigoye ko yabona icyo ahemba Imana kuko yamufashishe kugera ku nzozi yahoze arota nawe ubwe atibazaga inzira bizanyuramo. Ibi aka yabitangaje ubwo yaganiraga n’umunyamakuru Lucky kuri iki cyumweru wa Televiziyo Rwanda isanzwe itambutsa ibi bitaramo.

Ati “Ngiye kugira icyo mpemba Imana sinakibona kuko intungura buri munsi. Ninjiye mu muziki kuko wari umuhamagaro nahawe n’Imana byarashobokaga ko nari kujya gukora mu makompanyi akomeye kuko nari ndangije kwiga, gusa nahisemo umuziki kuko nari mbikunze."

Yakomeje agira ati “Kera narimfite inzozi zo kujya ku rubyiniro rwa Iwacu Muzika niyo baba batanyishyuye, nkavuga nti Mana numpa uru rubyiniro nzapfukama hasi ngushimire.”

Uyu muhanzikazi yinjiye ku rubyiniro mu buryo budasanzwe ndetse ahagaragariza ubuhanga bwe busanzwe budashidikanywaho n’abamukurikira. Alyn Sano kandi yagiye agaragara no mu bitaramo bitandukanye bikomeye bimaze iminsi bibera mu mujyi wa Kigali.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO