Alyn Sano yishimiye guhura n’umuhanzi Joeboy wo muri Nigeria

Umuhanzikazi Shengero Aline Sano alyn Sano ari mu byishimo byinshi nyuma yo guhura n’icyamamare mu muziki wo muri Nigeria Joseph Akinwale Akinfenwa uzwi nka Joeboy uri mu Rwanda.

Alyn sano abinyujije ku rukuta rwe rwa Twitter yashyizeho ifoto ari kumwe n’uyu muhanzi ndetse n’umucuranzikazi wa saxophone Stella Tush.

Yanditse ati “Ijoro ryakeye nahuye n’icyamamare Joeboy ndetse n’umunyarwandakazi ucuranga saxophone StellaTush byari bishimishije cyane.."

Uyu muhanzi byamenyekanye ko ari mu Rwanda mu ntangiriro z’iki cyumweru aho yari yaje kwitabira ikiganiro Umuhanzi Mr Eazi yari agiye kugirana na bamwe mu bahanzi bo mu Rwanda, aho yabaganirije byinshi ku iterambere rya muzika ndetse n’uko bitwara n’ibindi byinshi byazabagirira akamaro mu minsi izaza.

Icyo kiganiro cyabaye nyuma yaho Mr Eazi atangije ishami rya sosiyete ye yashinze ifasha abahanzi bo mu bihugu birenga 11 muri Afurika yise EmPawa Africa ariko iryo mu Rwanda ryo rikaza ryitwa Empawa Rwanda Ltd.

Ubusanzwe Joeboy ni umwe mu bahanzi bafashwa na sosiyete ya Mr Eazi ya EmPawa Africa yakunzwe mu ndirimbo yitwa Baby n’izindi zatumye ahita amenyekana mu gihe gito muri Afurika.

Joeboy yaherukaga mu Rwanda ubwo yitabiraga igitaramo cya Kigali Jazz Junction mu mwaka wa 2018 aho yafatanyije n’umuhanzi Nyarwanda Davis D.

Ibyishimo byari byinshi hagati ya Alyn Sano na Joeboy ndetse na Stella Tush

Joeboy yaherukaga mu Rwanda ubwo yitabiraga igitaramo cya Kigali Jazz Junction muri 2018

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO