Kuba Mbappe yaragizwe Kapiteni w’u Bufaransa bishobora gutuma hari umukinnyi...
- 24/03/2023 saa 06:46
Lionel Messi yanduye icyorezo cya covid-19 aho yari ari mu biruhuko muri Argentina ahita yishyira mu kato, Ibi bishobora gutuma ikipe ya PSG ihura n’ibibazo bikomeye kuko na Neymar ari mu mvune ikomeye kuva mu kwezi kwa Ugushyingo aho biteganyijwe ko ashobora kuzagaruka mu kibuga mu mpera z’ukwezi kwa Mutarama 2022.
Lionel Messi w’imyaka 34 yanduye icyorezo cya covid-19 aho yari mu biruhuko mu mujyi wa Rosario aho avuka muri Argentina.
Umutoza wa Paris Saint Germain, Mauricio Pochettino yatangaje ko Messi ari kwitabwaho n’abaganga b’iyi kipe kandi ko igihe ibisubizo bizerekana ko nta virusi ya covid-19 afite mu mubiri ko azahita agaruka mu Bufaransa.
Lionel Messi ni umwe mu bakinnyi bagowe n’ubuzima bwo mu Bufaransa nyuma yo kugera mu ikipe ya Paris Saint Germain avuye mu ikipe yari yarakiniye ubuzima bwe bwose ya F.C Barcelona.
Kugeza uyu munsi Messi abaye umukinnyi umwe muri bane ba Paris Saint Germain bamaze kwandura Covid-19.
Abandi banduye ni Juan Bernat, Sergio Rico na Nathan Bitumazala.
Juan (ibumoso), Sergio (hagati) na Nathan (iburyo) nabo bari mu kato.
Kugeza uyu munsi Paris Saint Germain igomba gukina idafite rutahizamu Neymar aho nawe ari mu mvune y’akaguru kuva mu kwezi kwa Ugushyingo aho biteganyijwe ko azagaruka mu kibuga mu mpera z’ukwezi kwa Mutarama 2022.
Neymar biteganyijwe ko azagaruka mu kibuga mu mpera za Mutarama.
Related Articles
