Amalon Ntakibarizwa muri 1k Entertainment ya Dj Pius

Ubuyobozi bwa Kampani ya 1k Entertainment isanzwe ifasha abahanzi ndetse n’abadj’s bwatangaje ko umuhanzi Bizimana Amani wakunzwe kw’izina ry’ ‘Amalon Atakibarizwa muri icyo kigo nyuma yaho amasezerano bari bafitanye yari ageze ku musozo.

Mu ibaruwa Ubuyobozi bwa 1k Entertainment bwageneye uyu muhanzi iragira iti “Twishimiye kukumenyesha ko amasezerano twari dufitanye yegereje umusozo bikaba byabaye ngombwa ko tutayongera ukundi.

Ikomeza igira iti "Dufashe umwanya wo kukumenyesha ko urugendo twatangiranye rwabaye rwiza cyane, ubu rukaba rugeze ku iherezo ryarwo kandi ibyo twakoze byose byagenze neza hagati yacu nawe, tukaba tukwifurije ishya n’ihirwe mu ahazaza hawe."

Ku bijyanye n’imishinga y’indirimbo uyu muhanzi yarari gukorana na 1k Entertainment batangaje ko bazakomeza kumufasha akazirangiza neza kugira ngo ibyo biyemeje babigereho batandukane nta kibazo kirimo.

Amalon yari amaze imyaka itatu muri 1k Entertainment kuva muri nzeri 2018 aho babashije gukorana imishinga myinshi cyane irimo indirimbo nka Byakubaho, Yambi, Ngirente, Amabara yahuriyemo n’abandi bahanzi bagera kuri bane, Derila yakoranye na Ally Soudy, Impanga, Byukuri na Single yakoranye na Weasel wo mu itsinda rya Goodlyfe.

Uyu muhanzi muri iyi minsi utari kwigaragaza cyane amakuru agera kuri Genesisbizz ni uko hari hashize igihe uyu musore atarebana neza nabo 1k Entertainment ahubwo yari afite umusore w’inshuti ufasha abahanzi uzwi nka Omarion bari gukorana bya hafi.

Ku ruhande rwa DJ Pius Umuyobozi wa 1k Entertainment yashyize ubutumwa kuri instagram ye agira Ati “Nta kintu na kimwe cyasiba urwibutso rw’ibyo twageranyeho, gukorana nawe byari amahitamo meza. Ndabizi uzakora akazi keza mu ruganda rw’imyidagaduro kandi nzahora mpari mu kugushyigikira.”


Ibaruwa 1k Entertainment yandikiye Amalon

Amalon yari amaze imyaka isaga itatu akorana na 1k Entertainment iyoborwa na DJ Pius

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO