Amalon yasohoye indirimbo yari isanzwe ifitwe n’undi muhanzi

Hakizimana Amani uzwi nka Amalon mu muziki yasohoye indirimbo nshya yise “Moni” yari isanzwe ifitwe n’umuhanzi ukizamuka witwa Cris Clae biteza urujijo rwo kumenya nyiri iyi ndirimbo.

Iyi ndirimbo aba bahanzi bombi bayise izina rimwe ariryo “Moni” uko ari ebyiri zakozwe na Producer umwe ariwe Iyzo Pro.

Indirimbo y’uyu muhanzi ukizamuka witwa Cris Clae yasohotse taliki ya 5 Ukwakira 2020 mugihe iya Amalon yasohotse taliki ya 11 Ukwakira 2020.

Kuba iyi ndirimbo yarakozwe na Producer umwe byagaragaza ko ariwe uri mu makosa yo kugurisha indirimbo y’umuhanzi umwe akayiha undi atarigeze amumenyesha.

Umuhanzi Amalon we avuga ko iyi ndirimbo yayikoze kera agikorana na Iyzo Pro ariko baza gutandukana adasohoye iyi ndirimbo. Ibi ngo ari nabyo byatumye Iyzo ashobora kuyigurisha ku wundi muhanzi batarigeze babyumvikanaho.

Mu muziki Nyarwanda ibi ni ibintu bikunze kugaragara cyane ariko bigaturuka ku makosa y’aba Producers baryoherwa no kurya amafaranga y’abahanzi barabemereye ko bazabaha indirimbo yose bigatuma bagurisha imishinga y’abandi itarajya hanze.

Ibi kandi biheruka kuvugwa ku muhanzi Social Mula nawe wasohoye indirimbo atabizi ko isanzwe iri hanze nabwo yarakozwe n’umuhanzi ukizamuka. Ibi byaje kumugiraho ingaruka mbi kuko iyi ndirimbo yaje gusibwa ku rubuga rwa You tube kandi yari yarayishoyemo amafaranga menshi ayikorera n’amashusho.

Indirimbo ya Amalon

Indi ndirimbo yitwa Moni ya Cris Clae

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO