Amashimwe ya Nimwiza Meghan wujuje umwaka ahawe ikamba

Umunsi nk’uyu mu mwaka ushize wa 2019, ku mugoroba w’itariki 26 Mutarama nibwo Nimwiza Meghan yahinduriwe amateka, ubu yiganjemo amashimwe n’umunyenga w’ikamba rya Nyampinga w’U Rwanda.

Umwaka uruzuye neza Nimwiza, yinjiye mu ruhando rw’abanyampinga babayeho ku isi, ibi si ibintu buri wese nyamara burya aba yageraho mu buryo bumworoheye nk’uko Nimwiza Meghan abyivugira.

Nimwiza Meghan avuga ko mbere yo guhabwa iri Kamba yumvaga afite ibinezaneza ariko nanone birimo n’ibica ntege.

Ibi binezaneza Meghan avuga ko yarafiye byavaga ku kwibaza uri bwegukane iri kamba rya Nyampinga, ariko rero ibica ntege nabyo ntibihatangwe kuko yibazaga ko abaye ari we uri buryegukane ataba yiteguye na gato kurikoresha uko bikwiye.

Mu magambo ye yanyujije ku mbuga nkoranyambaga yagize ati: “Nashatse kubivamo, ndetse sinashakaga kujya kuri kariya gatuti (stage), ariko ubuzima bugira inzira zabwo, none ubu turi kwizihiza umwaka ndi Nyampinga.”
Meghan yashatse kubivamo, birangira abaye Nyampinga w’U Rwanda
Nimwiza Meghan yegukanye ikamba rya Nyampinga w’u Rwanda w’umwaka wa 2019, asimbuye Iradukunda Liliane wari ufite iri kamba guhera muri Gashyantare 2018.

Ku itariki ya 26 Mutarama 2019 akimara gutorerwa kuba Nyampinga w’U Rwanda, Meghan Nimwiza yagize ati “Mwarakoze, ntacyo nabona nababwira, nasabwe n’ibyishimo, murakoze cyane.”

Ni iki Meghan yise ngo ‘UYU MUNSI MU MATEKA’

Nibyo koko!... uyu munsi wari kuba amateka ya buri mukobwa wari kwegukana ikamba, kuko Nimwiza akimara gutorwa yahise ahabwa imodoka nshya ya Suzuki Swift yo kugendamo, ndetse n’umushahara w’ibihumbi 800Frw buri kwezi n’ibindi bijyanye no kwita ku bwiza bwe.
Imodoka nshya yahawe Nimwiza Meghan yo mu bwoko bwa Suzuki Swift
Ibi nibyo Nimwiza Meghan aheraho yemeza ko mu mwaka wose ushize ari Nyampinga ubuzima bwe bwahindutse cyane, aho yagiye ahabwa amahirwe yo guhagararira igihugu...

Yagiye ndetse aniyagura mu buryo bw’ubuzima yarabayeho, ari nako ahindura ubuzima bw’abandi aho byamushobokeraga.

Kubwa Nimwiza Meghan abona iki gihe cyose amaranye iri Kamba rya Nyampinga w’U Rwanda ari amashimwe gusa yakagombye guha imana kubw’uru rugendo yanyuzemo no kubo barunyuranyemo.
Ubwo Minisitiri w’Ubuhinzi n’Ubworozi, Geraldine Mukeshimana yemereraga ubufasha Miss Meghan mu mushinga we w’ubuhinzi
Uyu mwaka ushize wose abona yarawuhereyemo umugisha kugira ngo nawe awuheshe abandi,abinyujije mu mushinga yarafite wo gukangurira urubyiruko kwitabira gukora ubuhinzi.

Mwe mubona umushinga wa Meghan Nimwiza umaze umwaka wose ushyirwa mu bikorwa, waragezweho?

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO