Amashusho ya Cyusa Ibrahim n’Umukunzi we mu gitanda akomeje kuvugisha benshi

Amashusho y’umuhanzi Cyusa Ibrahim hamwe n’umukunzi we Jeanine bari mu gitanda akomeje kuvugisha benshi. Uyu muhanzi yagaragaye mu munyenga w’urukundo mu mujyi wa Dubai mu bihe byo kwizihiza isabukuru y’umukunzi we.

Umuhanzi mu njyana gakondo Cyusa Ibrahim uri kubarizwa muri Leta Zunze ubumwe z’Abarabu akomeje kuvugisha benshi nyuma y’uko we n’umukunzi we bagaragaye bishimiye umunyenga w’urukundo bari kumwe mu gitanda.

Uyu muhanzi uririmba injyana Gakondo, Mu gitondo cyo kuri uyu wa kabiri tariki ya 01 Werurwe 2022 nibwo yasangije amashusho ye nuyu mukunzi bari mu buriri bumwe ndetse ibi byavugishije benshi mu bakurikira imbuga nkoranyambaga z’uyu muhanzi.

Aya mashusho agaragaza Cyusa n’Umukunzi we Noach baryamye mu mashuka amwe bishimye kuko banacishagamo bagasomana byimbitse rwose nta kibazo bafite ibintu bigaragaza ko urukundo rwaba bombi rumaze gushinga imizi.

Ku munsi w’ejo hashize nibwo aba bombi basangije ababakurikira amafoto y’ibirori byo kwizihiza isabukuru y’amavuko y’uyu mugore bakoreye i Dubai.

Aba bombi baherutse kwemeza inkuru y’urukundo rwabo nyuma y’igihe basa n’abahanganye n’itangazamakuru ryabitahuye mbere ariko bo bakagerageza guhisha amakuru.

Mu mpera z’icyumweru gishize, Cyusa yahagurutse i Kigali yerekeza i Dubai aho yahuriye n’umukunzi we wari ukubutse i Burayi.

Aba bombi bari bagiye kwizihiza isabukuru ya Jeanine Noach, umukunzi wa Cyusa banamaze kwerura inkuru y’urukundo rwabo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO