Amatama masa ntasabira inka igisigati wa mukinnyi Arsenal yaririmbye Liverpool imutanzeho akayabo bituma ica impaka

Ikipe ya Liverpool yamaze guca impaka yumvikana na rutahizamu wifuzwaga n’amakipe atandukanye yo mu gihugu cy’Ubwongereza harimo Arsenal n’andi atandukanye gusa ikipe ya Liverpool yamaze gutsinda igitego cy’umutwe andi makipe kuko yamaze kugirana amasezerano n’uyu mukinnyi Darwin Nunez wakiniraga ikipe ya Benfica Lisbon.

Umutoza ukomoka mu gigugu cy’Ubudage ariwe Jurgen Klopp akomeje kongera imbaraga mu busatirizi bw’iyi kipe aho bitumye afata umwanzuro wo gusinyisha umukinnyi Nunez dore ko yigaragaje cyane muri uyu mwaka w’imikino 2021/2022.

Ubwo yahuraga na Liverpool muri 1/4 cya Champions League Nunez yatitije ba myugariro ba Liverpool aho yabashije kubatsinda ibitego bigera kuri bibiri nubwo byarangiye basezerewe muri iki cyiciro.

Nk’uko byatangajwe na Fabrizio Romano, Liverpool yagiranye amasezerano ya nyuma n’ikipe ya Benfica ya Nunez mu gitondo cyo kuri uyu wa gatandatu taliki ya 11 Kamena 2022.

Bivugwa ko Nunez yaguzwe akavagari k’amafaranga agera kuri miliyoni 85.4 z’amapawundi wongereyeho azishyurwa nyuma, bituma uyu munya Uruguay aba umukinnyi uhenze kurusha abandi bose mu mateka ya Liverpool.

Liverpool irimo gutegura impapuro z’amasezerano kandi Nunez yamaze kwemera gusinya imyaka 5.

Darwin Nunez yatsinze ibitego 34 mu marushanwa yose mu mwaka w’imikino ushize mu ikipe ya Benfica Lisbon.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO