Amateka aranditswe Morocco yisanze muri 1/2 Cy’igikombe cy’Isi nyuma yo kurohamisha Portugal yibwiraga ko ari intyoza mu koga

Kuri ubu ni amateka akomeye cyane ku mugabane wa Afurika muri rusange nyuma y’aho ikipe y’igihugu ya Morocco yongeye gukorera ibitangaza igasezerera Portugal aho iyitsinze igitego 1-0.

Ikipe y’igihugu ya Morocco yagiye gukina uyu mukino idahabwa amahirwe nyamara iyi kipe yatunguranye itsinda Portugal igitego cyiza cy’umutwe cyabonetse mu gice cya Mbere cy’umukino.

Ikipe y’igihugu ya Portugal yari yuzuyemo abakinnyi bakomeye Kandi bafite amazina akomeye nka Lobin Diaz, Bernardo Silva,Bruno Fernandes n’abandi batandukanye gusa aba bose ntanakimwe bigeze bafasha ikipe y’igihugu ya Portugal.

Ikipe y’igihugu ya Portugal yakoze impinduka mu gice cya Kabiri yinjiza mu kibuga Cristiano Ronaldo hamwe na Joao Canselo gusa aba bombi n’ubundi ntabwo babashije guhungabanya ikipe y’igihugu ya Morocco ndetse umukino warinze urangira iyi kipe ikiyoboye umukino.

Kuri ubu ikipe y’igihugu ya Morocco ntabwo irabasha kwinjizwa igitego na kimwe n’indi kipe ndetse n’igitego batsinzwe nibo bakitsinze ubwabo.

Kugeza ubu Morocco iciye agahigo ko kuba ikipe ya mbere igeze muri 1/2 mu mikino y’igikombe cy’Isi.

Kugeza ubu muri 1/2 Morocco izahura n’ikipe irarokoka hagati y’Ubufaransa n’Ubwongereza mu gihe Kandi ikipe y’igihugu ya Argentine igomba kuzakina n’ikipe y’igihugu ya Croatia.



Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.