Amateka n’ibyo tutazibagirwa kuri ’Jay Polly’ wasabanaga na Bose

Tuyishime Joshua witabye Imana azize uburwayi aho yari afungiye muri Gereza ya Mageragere asize abana babiri. Yitabye Imana yari kuzaburana taliki ya 2 Ukuboza 2021. Muri iyi nkuru twifuje kubagezaho ubuzima bwaranze uyu muraperi waruzwiho kubana neza n’abantu no kutirengagiza inshuti ze.

Jay Polly yize mu mashuri y’inshuke mu kigo cya Kinunga, ayisumbuye ayiga mu kigo cya E.S.K giherereye mu Karere ka Kicukiro mu Mujyi wa Kigali mu ishami ry’ubukorikori.

Jay Polly yavutse ku wa 5 Nyakanga 1988, avukira i Gikondo mu Mujyi wa Kigali nubwo hari abavuga ko yaba yaravukiye mu Kinigi ho mu Karere ka Musanze mu Ntara y’Amajyaruguru, akaba ari umwana wa kabiri mu muryango w’abana batatu.

Ubwana bwe bwaranzwe no kuba atarakundaga ishuri, yari wa mwana ujyayo
bamusunika, ahubwo we akanyurwa n’amafilimi na cartoons. Ni mwene NSABIMANA Pièrre na MUKARUBAYIZA Marianne.

Uko Jay Polly yinjiye muri muziki

Kuririmba Jay Polly abikomora ku mubyeyi we waririmbaga muri korali Hoziyana muri ADPR mu Gakinjiro.

Ibyo byatumye uyu muraperi nawe aririmba muri korali y’abana.

Nk’uko bitangazwa n’abazi Jay Polly muri icyo gihe bavuga ko mu gihe cyo kuririmba wasangaga yambaye ipantalo igiye gutakara hasi nk’abaraperi bari bakomeye ku isi muri icyo gihe.

Jay Polly gukunda injyana ya Hip Hop abikomora kuri mukuru we witwa Maurice.

Mu mwaka wa 2002, Jay Polly ageze mu mwaka wa gatandatu w’amashuri abanza nibwo yagiye mu itsinda rya muzika ryabyinaga imbyino zigezweho (dance moderne) ryitwaga “Black powers”.

Muri 2003 Jay Polly ageze muri E.S.K nibwo yahuye na Green P kubera ukuntu yari azi kubyina byatumye bakomeza gukorana.

Umwaka wakuririyeho nibwo afatanije na Green P, Perry G bashinze itsinda baryita “G5” icyo gihe bandika indirimbo batangira no kujya muri studio ya TFP yakoreragamo uwitwa BZB ari naho bakoreye indirimbo ya mbere bise “Nakupenda” yarikozwe mu njyana ya R&B.

Muri 2004 nibwo Jay Polly, Green na Perry G bakoze indirimbo ikozwe mu njyana ya Rap bayita “Hi Hop Game”.

Uburyo Jay Polly yinjiye muri Tuff Gangz

Kubera ko yari amaze kubona ko afite impano yo kwandika indirimbo we na mugenzi we Green P baje guhura na Lick Lick watunganyaga indirimbo muri icyo gihe muri studio yitwa “ONB” ikorera ku Kicukiro yumvise ukuntu baririmba abahuza na Bull Dogg n’uko iryo tsinda ryaje kuvuka.

Zimwe mu ndirimbo bakoze, ariko ntizamenyekana ni Money yakozwe na Jay Polly, Green P akora iyo yise “Nyumvira” n’aho Bull Dogg akora “Abirabura”.

Impamvu izi ndirimbo zitamenyekanye byagiye biterwa n’uko amajwi yazo wasangaga atameze neza kubera ikibazo cy’ibyuma byabaga bitameze neza, aho Lick Lick agereye muri studio ya F2k nibwo batangiye gukora indirimbo ndetse zirakundwa izo ni nka: Kwicuma, Target ku mutwe n’izindi.

Mu minsi mike nibwo baje guhura na P Fla wari umaze igihe atari mu Rwanda aba abaye umwe mu baraperi bagize itsinda rya “Taff Gangz” kuko nawe yakoraga injyana ya Hip Hop.


Jay Polly yari umuntu ucisha make kuri bose

Nyuma y’aho nibwo Fireman nawe yaje kuza kwiyunga nabo kuko yari asanzwe ari inshuti magara ya Bull Dogg kandi akaba yarakoreshaga injyana ya R&B bamwita “Akon”.

P Fla ntabwo yaje gukomezanya na Taff Gangz kubera ko hari ibyo atumvikanaga na Jay Polly bijyanye n’amafaranga.

Aho Jay Polly yakoze

Kubera ko Jay Polly yize ibijyanjye n’ubukorikori yaje kuba umwe mu banyamuryango ba “Ivuka” ishyirahamwe ry’abanyabugeni ryakorerega ku Kacyiru. Mu mwaka wa 2009 biba ngombwa ko amara amezi atandatu aba i Rubavu akorera muri ateliye (atelier) ya “Ivuka” aho yakoraga akazi ko gushushanya.

Jay Polly yagiye akora indirimbo zigakundwa muri zo harimo: Akanyarirajisho, Ndacyariho ndahumeka” ndetse byaje kumuha n’amahirwe yo kujya mu marushanwa ya Primus Guma Guma super Star.

Muri 2011 nibwo Jay Polly yatorewe kujya mu marushanwa ya PGGSS, ariko ntiyegukana umwanya wa mbere kuko waje gutwarwa na Tom Close.

Mu mwaka wa 2012, Jay Polly yabaye uwa kabiri akurikiye King James wegukanye irushanwa rya Primus ku nshuro ya kabiri (PGGSS2).

Umwaka wa 2013, nibwo Jay Polly yatutse abanyamakuru aho yavuze ko za kaminuza ziri gusohora amadebe, bituma atabasha kuba umwe mu bahanzi bitabiriye amarushanwa ya Primus ku nshuro ya gatatu (PGGSS3).

Nyuma Jay Polly yaje gutumira abanyamakuru yiyumvagamo biganjemo abakora ku maradiyo abasaba imbabazi, gusa byaje kuvugwa ko hari icyari kibyihishe inyuma kuko ngo icyo yari agamije kwari ukugira ngo izina rye rizagaragare mu marushanwa ya Primus ya 2014 ndetse biramuhira kuko ari we waje ku mwanya wa mbere.

Mu mwaka wa 2014, Jay Polly yabaye umwe mu bahanzi icumi bitabiriye amarushanwa ya PGGSS4, ndetse agenda yerekana ko ashoboye mu Ntara zose z’u Rwanda aho byagaragaye ko akunzwe ku rusha abo bahanganye barimo na Senderi waranzwe n’ibikabyo nko gutega amahembe nk’inka, kwikorera ibijumba, kwambara nk’abasiganwa ku magare n’ibindi.

Kuwa 30 Nyakanga 2014, nibwo hasojwe irushanwa rya PGGSS4 birangira Jay Polly aryegukanye ahabwa miliyoni 24 z’amafaranga y’u Rwanda.

Nyuma yo kwegukana Guma Guma yakomeje umuziki ariko biza kuvamo amahari hagati ye n’abagenzi be bari bagize itsinda rya Taff Gangz.

Muri 2015 Jay Polly yahise asinya amasezerano yo gukorana n’Inzu ifasha abahanzi ya Touch Records ariko ntabwo yaje kuhatinda kuko baje gutandukana mugihe cy’umwaka umwe urengaho amezi.

Taliki 24 Kanama 2018 nibwo Urukiko rw’Ibanze rwa Gasabo rwamuhamije icyaha cyo gukubita no gukomeretsa umugore we akamukura amenyo. Uyu muhanzi yaje gukatirwa ariko afungurwa taliki ya 1 Mutarama 2019.

Akiva Gereza yavuze ko yamubereye ishuri rikomeye, ndetse ngo yiteguye guhita akora indirimbo yise Umusaraba wa Yoshuwa, yavugaga ku bizazane yanyuzemo mu mwaka wa 2018.

Izindi nkuru zerekeranye na Jay Polly

- https://genesisbizz.com/Jay-Polly-yitabye-Imana-bitunguranye

- https://genesisbizz.com/Jay-Polly-azongera-gusubira-imbere-y-ubutabera-mu-ntangiro-z-Ukuboza

- https://genesisbizz.com/Jay-Polly-nabo-bafunganywe-bajuririye-igifungo-cy-iminsi-30


Umugore wa Jay Polly n’umwana babyaranye


Uyu muhanzi yitabye Imana asize abana babiri.


Jay Polly yitabye Imana adasoje umushinga we na Davido


Jay Polly yari kuzaburana mu ntangiro za Ukuboza 2021

Indirimbo yakoze ubwo yavaga muri Gereza

Genesisbizz

Related Articles

Ibitekerezo

  • - Kanakuze salumu

    Nukuri JAY Polly yari inshuti ya Bose Imana imwakire mubayo RIP JAY Polly

  • - Kanakuze salumu

    Imana imwakire mubayo RIP JAY POLLY

Igitekerezo cyawe kirashyirwaho aruko gisusumwe

TANGA IGITEKEREZO