Amatora ya kamarampaka yo kongera ibice bya Ukraine ku Burusiya yatangiye

Amatora yo kongera ibice bya Ukraine ku Burusiya yamaze gutangira aho biteganyijwe ko imyanzuro itangazwa kuri uyu wa kabiri w’icyumeru gitaha.

Aya matora yamaganiwe kure n’ubutegetsi bwa Ukraine n’ibihugu byo mu Burengerazuba bw’isi aho bavuze ko adaciye mu mucyo ndetse ko adakwiye kuba.

Mu ntangiriro z’iki cyumweru nibwo aya matora ya kamarampaka yari yatangajwe ko agomba kuba kuri uyu wa gatanu.

Aya matora yabereye mu duce Uburusiya bwigaruriye turimo Luhansk, Donetsk, Kherson na Zaporizhzhia.

Abaturage batuye muri utu duce bari kubazwa niba bifuza ko twongerwa ku Burusiya ndetse biteganyijwe ko ibizava muri aya matora bizahita bikurikizwa.

Umuvugizi wa Leta y’Uburusiya abajijwe igihe aya matora azamara yasubije ko ari vuba cyane bishoboka kuburyo bizarangirana no ku wa kabiri w’icyumweru gitaha.

Gusa benshi bakomeje kunenga ubutegetsi bw’i Kremlin ko budakwiye gukoresha amatora mu gihe cy’intambara n’imirwano ndetse aya matora aje akurikira gahunda yo kongera abasirikare basaga 300,000 b’Uburusiya mu ntambara burwana na Ukraine.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO