Amavubi U 23 aracyadundaguza nyuma yo kunganya na Mali

Umukino ubanza mu gushaka itike yo kwerekeza mu gikombe cy’Afurika cy’abatarengeje imyaka 23 warangiye Amavubi U23 yihagazeho anganya na Mali igitego 1-1.

Uyu mukino wabereye kuri Stade mpuzamahanga ya Huye aho warangiye Amavubi aguye miswi na Mali igitego 1-1.

Ikipe ya Mali niyo yabanje gufungura amazamu ku gitego cyabonetse ku munota wa 40 w’umukino ku ishoti ryatewe na Ahmed Diomande wari inyuma y’urubuga rw’amahina maze igitego cyiba kiranyoye.

Nyuma y’umunota umwe gusa Amavubi yishyuye ku mpano yiherewe na Lassine Diarra wananiwe kugenzura umupira uruhukira mu izamu ndetse igice cya mbere niko cyarangiye.

Nta byinshi byabaye mu gice cya kabiri uretse ko umukino uri kugana ku musozo, Amavubi U-23 yagerageje gusatira ashaka igitego cy’intsinzi ariko ntibyayakundira.

Amavubi U-23 asabwa kubona intsinzi yose cyangwa akanganya ibitego biri hejuru ya kimwe kugira ngo akomeze mu ijonjora rya gatatu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO