Amerika ikomeje gukomanya imitwe Ukraine n’Uburusiya noneho igiye guha Ukraine intwaro rutura zifite agaciro ka Miliyari y’amadorari

Igihugu cya Leta zunze ubumwe za Amerika gikomeje guteranya Uburusiya na Ukraine, kuri ubu iki gihugu kigiye kohereza intwaro kabombo muri Ukraine zihagaze Miliyari y’amadorari kugirango iki gihugu gikomeze guhangana n’Uburusiya.

Ku munsi w’ejo kuwa gatatu Perezida Joe Biden yavuganye na perezida wa Ukraine ariwe Zelensky maze bagirana ikiganiro gikomeye kuri telephone bemeranya ko Ukraine igiye kongera guhabwa intwaro zikomeye zo kwirwanaho mu ntambara iki gihugu gihanganiyemo n’Uburusiya.

Bavuganye ko muri izo ntwaro hazaba harimo bya muzinga, intwaro zo guhagarika ibitero by’umwanzi, roketi zigezweho hamwe n’amasasu kugira bahangane n’Uburusiya bufite intwaro za rutura.

Perezida Biden yavuze kandi ko Amerika igiye koherereza Ukraine imfashanyo ingana na miliyoni 225 z’amadolari yo gufasha abaturage bayo.

Aya mafaranga azavamo amazi yo kunywa, imiti, ibyokurya, hamwe n’amafaranga azahabwa imiryango kugira ngo yikenuze mu by’ibanze nkenerwa mu buzima bwa buri munsi.

Izi mfashanyo zitangajwe mu gihe Minisitiri w’Ingabo wa Amerika, Lloyd Austin, yabonaniye i Buruseli mu Bubirigi n’abandi baminisitiri bagenzi be b’ingabo b’ibihugu birenga 45 byahaye intwaro Ukraine.

Ubwo yatangizaga ibi biganiro, Minisitiri Austin yavuze ko ibihugu byo mu burengerazuba byiyemeje gukora ibirenze mu gufasha Ukraine kwivuna umwanzi.

Magingo aya iyi ntambara ikomeje gufata indi ntera ndetse amezi agiye kuba hafi atanu ibihugu byombi biri mu ntambara z’urudaca ndetse Uburusiya bukomeje kwigarurira ibice bitandukanye muri Ukraine.

Abaturage benshi bamaze kuva mu byabo ndetse abandi bahunze igihugu mu gihe kandi ibikorwa remezo byinshi byamaze gusenywa, gusa perzida Zelensky akomeje gutakambira amahanga kugirango bamuhe intwaro karundura ngo akomeze atane mu mitwe n’Uburusiya.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO