Amerika iri kwitegura guhangana n’ibindi byorezo bizibasira isi mu myaka iri imbere

Mu gihe isi yose ihanganye n’icyorezo cya covid-19, Leta zunze ubumwe z’Amerika zatangiye gukora ubushakashatsi no gukora inkingo zo guhangana n’ubundi bwoko bw’ibyorezo bushobora kuzibasira isi mu myaka iri imbere.

Uyumunsi kuba isi yarahuye n’icyorezo cya koronavirusi yiswe covid-19 ndetse mu gihe gito abashakashatsi bakabasha kuyibonera urukingo, abashakashatsi bavuga ko byatewe no kugira amakenga kuko babonaga amakuru yerekanaga ko isi ishobora kwibasirwa n’icyorezo.

Anthony Fauci, umuyobozi wa NIAID (National Institute of Allergy and Infectious Diseases), iki ni ikigo cya Leta zunze ubumwe z’Amerika gishinzwe kugenzura indwara zandura, yavuze ko bimwe mu byafashije isi guhangana n’icyorezo cya koronavirusi yiswe covid-19 byatewe nuko hari amakuru abashakashatsi bagiye babona yerekanaga ko isi ishobora kwibasirwa n’icyorezo cya koronavirusi kuko Atari ubwa mbere yari ibonetse ndetse ayo makuru bakayahanaha mu buryo bwihuse.


Koronavirusi si ubwa mbere yibasiye isi.

Amakuru dukesha urubuga rwa biospace avuga ko bwa mbere hateye icyorezo cyo mu bwoko bwa koronavirusi bise SARS (Severe Acute Respiratory Syndrome), iyi ikaba yaradutse mu mwaka w’2002 igakomeza gukwirakwira ku isi.

Ibimenyetso bya SARS byarimo kugira umuriro, guhera umwuka no gucibwamo, Icyo gihe ishami rishinzwe kurinda indwara z’ibyorezo ku isi ryahise ritangaza ko abantu 8,098 aribo bari banduye icyorezo cya SARS baturuka mu bihugu 26 mu gihe abasaga 774 bo bishwe na SARS.

Koronavirusi yiswe covid-19 hamwe na SARS byose ni ibyorezo byageze ku muntu biturutse ku nyamanswa ndetse nibura habarurwa ubwoko busaga 500 bwa koronavirusi. Uyumunsi Leta zunze ubumwe z’Amerika ni kimwe mu bihugu bishishikajwe cyane no gushora ingengo y’imari mu bikorwa byo gukora ubushakashatsi ku byorezo no gukora inkingo zishobora guhangana n’ibindi byorezo bishobora kwibasira isi mu myaka iri imbere.

Leta zunze ubumwe z’Amerika zatangiye gukora ubushakashatsi bw’inkingo zo guhangana n’ibyorezo bishobora kwibasira isi mu myaka iri imbere.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO