Amerika yatangaje ko Ubushinwa buzafatirwa ibihano bikomeye igihe bwaha inkunga za gisirikare buri gusabwa n’Uburusiya

Amerika yatangaje ko Uburusiya bwatangiye kwiyambaza Ubushinwa kugirango buhabwe inkunga mu bya gisirikare nyuma y’ibyumweru iki gihugu gishoje intambara kuri Ukraine.

Bamwe mu bayobozi bakomeye ba leta y’i Washington birinze kugira amakuru batangaza ku bwoko bw’intwaro Uburusiya bushobora kuba bwarasabye cyangwa se igisubizo Ubushinwa bwaba bwatanze bitewe n’uburemere bw’aya makuru nk’uko tubikesha ikinyamakuru cya Washington Post.

Umujyanama wa perezidansi ya Leta zunze ubumwe za Amerika mu by’umutekano, Bwana Jake Sulivan yavuzeko Ubushinwa buzahura n’amakuba akomeye igihe bwaramuka buhaye inkunga Uburusiya.

Yagize ati:" Turi kuvugana n’ubutegetsi bw’i Beijing, Twababwiye ko hazabaho ingaruka zikomeye z’ibihano by’ubukungu igihe baramuka bafashije Uburusiya."

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO