Ange Kagame yibarutse, Perezida Paul Kagame yishimiye kubona umwuzukuru

Ange Kagame ubuheta bwa Perezida Paul Kagame yibarutse imfura ye ku munsi w’ejo ku cyumweru tariki ya 19 Nyakanga 2020.

Ange Ingabire Kagame, Umukobwa wa Perezida w’ u Rwanda Paul Kagame na Madamu Jeannette Kagame, yibarutse imfura yabyaranye n’umugabo we Bertrand Ndengeyingoma bashyingiranywe mu mwaka ushize. Umukuru w’igihugu yishimiye kubona umwuzukuru we wa mbere.

Abinyujije ku rubuga rwa Twitter, Perezida Kagame yanditse ko kuri iki Cyumweru tariki 19 Nyakanga 2020, ari bwo we na Jeannette Kagame babonye umwuzukuru.

Perezida Kagame yatangaje ko abyishimiye ndetse anagaragariza umukobwa we n’umukwe we ko abishimiye cyane ku bw’imfura yabo.

Ku gicamunsi cyo kuwa Gatandatu tariki 6 Nyakanga 2019 nibwo Ange Ingabire Kagame yasezeranye n’ umugabo we Bertrand Ndengeyingoma.

Ibirori byabereye mu Intare Arena, ahari icyicaro cy’Umuryango FPR Inkotanyi
Mu butumwa yashyize ku rubuga rwa Twitter ubwo bari mu kwezi kwa buki, Ange Kagame yagize ati “Nabonye uwo umutima wanjye ukunda”.
Aya magambo Ange Kagame yavuze ko ari mu Ndirimbo ya Salomo , igice cya 3 umurongo 4.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO