Yambitse Meddy, Platini, Bahavu…Ibiteye amatsiko kuri Angélique washinze ‘Isha Collections’

Angelique Gatarayiha Uwamaliya rwiyemezamirimo washinze Isha Collections umaze kubaka izina mu kwambika ibyamamare mu Rwanda avuga ko ajya gutangira uyu mwuga yahereye ku bihumbi 65frw nabwo atari aye.

Genesisbizz yamusuye aho akorera hano mu mugi wa Kigali ayitangariza byinshi ku rugendo rwe rw’ubushabitsi kuva agitangira kugeza aho ubu yumva yo ibyo yifuzaga akomeje kubigeraho bitewe no gutanga serivise nziza kandi zinogeye amaso.

Avuga ko urugendo rwe mu bijyanye n’imideri no kwambika abantu yarutangiye mu mwaka wa 2007 mu buryo buziguye ariko mbere yaho gato nk’imyaka ibiri akaba yari umuntu wakoreraga mu kirere.

Aho yashakaga amasoko agacuruza ibintu ariko yabikoresheje ku bandi bantu, nyuma yatangiye kujya afasha abageni mu mihango yo gusaba, aho yabashakiraga imyambaro itandukanye ijyanye niyo mihango, nyuma yararebye asanga ubwo bufasha aha inshuti ze yanabukoramo akazi kamubyarira inyungu z’amafaranga.

Akimara gutekereza gutyo yakomeje gushaka amafaranga ageraho ashinga iduka rye ridoda imyenda ahereye ku badozi babiri.

Uyu munsi arashimira imana kuko yabashije gushinga inzu ye yambika abageni ikanadoda imyenda isanzwe yitwa “Isha Collections” aho ubu akoresha abadozi barenga icumi bahoraho ariko akagira n’abandi batandatu bakora imirimo itandukanye idahoraho.

Angélique avuga ko ibyo byose byatangiriye ku bukwe bw’inshuti ye yamuhaye amafaranga atarenze ibihumbi 65frw akayikorera imyenda yo mu gusaba.

Amafoto yavuye muri ubwo bukwe yasakaye henshi abantu bakunda uko abo bageni bari bambaye bituma bamwe bakunda ibikorwa bye batangira kugenda bamuha ibiraka.

Ati “Bakunze ibyo nakoze bituma ntangira kubona abakiliya, byatumye nkora cyane kandi ibyo nkunze ariko nkibanda cyane ku bakiriya mbakorera ibyiza.”

Uyu munsi ni umwe mu bantu bambika ibyamamare bikomeye hano mu Rwanda ndetse n’abayobozi bakuru b’igihugu.

Ku bijyane nicyo yagiraho inama abari n’abategarugori bifuza kuzavamo ba rwiyemezamirimo yabasabye ko ikintu cya mbere bagomba kubanza kumenya icyo bakunda, bashoboye kuko buri muntu hano kw’isi yihariye.

Ati “Ku isi burya buri muntu agira umwihariko we, umuntu rero agomba kumenya ikimurimo akagikoresha neza niyo byatinda ariko burya inkono ihira igihe. Abari n’abategarugori ni bahaguruke bitinyuke kuko turashoboye.”

Angélique yambitse ibyamamare birimo ‘Platini Nemeye na Olivia’ mu bukwe bwabo, ‘Bahavu Jeannette n’Umugabo we,’ ni nawe uherutse kwambika umuhanzi ‘Meddy n’umukunzi we Mimi’ ndetse nabari bamwambariye.

Kuba yarambitse Meddy avuga ko byari ibintu bikomeye kuko baba ku mugabane w’Amerika ariko akaba yarabigezeho neza cyane.

Angélique niwe wambitse Bahavu Jeannette bakinana muri filime impanga mu bukwe bwe

Nemeye Platini na Olivia nabo bambitswe na Isha Collections mu bukwe bwabo

Meddy na Mimi nubwo bari muri Amerika bambwitswe na Isha Collections barayishimira cyane

Shaddy Boo ni umwe mu byamamare byambikwa na Isha Collection

Isha Collections yambika abantu b’ingeri zose Abagabo, abagore ndetse n’Abana

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO