Anthony Martial yatijwe muri Sevilla kugeza sezo irangiye

Umukinnyi w’umufarasansa w’imyaka 26 usanzwe ukinira ikipe ya Manchester United, Anthony Martial yatijwe mu ikipe ya Sevilla kugeza mu mpera za sezo ya 2021/2022.

Ni nyuma y’uko uyu mukinnyi ukina yataka izamu agaragaje ko atishimye muri Manchester United kubera kutabona umwanya wo gukina, dore ko we na Jesse Lingard bari mu bakinnyi bagaragaje ko batishimiye kubura umwanya wo gukina nyamara bakeneye kuzitabazwa n’amakipe y’ibihugu byabo mu gikombe cy’isi kizatangira mu Ugushyingo 2022.

Mu masezerano Manchester United yagiranye na Sevilla hakaba harimo ko umushahara wa Martial uzishyurwa na Sevilla kugeza igihe yayitijwemo kirangiye, gusa nta ngingo yo guhita imugura irimo.

Anthony Martial akaba yarageze muri Manchester United mu mwaka wa 2015 avuye muri Monaco.

Uyu musore wageze mu mujyi wa Seville kuri uyu munsi akaba agifitanye amasezerano na Red Devils azageza muri Kamena 2024.


Anthony Martial yerekeje muri Sevilla ku ntizanyo mu gihe kingana n’amezi 6.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO