Umuhanzikazi Antoh utanga ikizere mu muziki wo kuramya no guhimbaza Imana yatanze ubutumwa bukomeye

Umuhanzikazi Antoh ukora umuziki wo kuramya no guhimbaza Imana yavuze ku ndirimbo ye yasohoye mu minsi ibiri ishize igakundwa n’abatari bake anavuga ku mishinga myinshi afite ikubiyemo ubutumwa bukomeye.

Nyuma y’uko hamaze iminsi mu karere ka Musanze hagaragara abahanzi batandukanye barimo Sahihi Irakiza, Dorcas na Vestine Kuri ubu umuhanzi Antoh nawe Ari mu bari kugarukwaho cyane nyuma y’indirimbo aherutse gushyira hanze yise Birarema.

Amazina ye yitwa Antoinette Iraguha, Aganira na genesisbizz yagize ati" njya gukora iriya ndirimbo nari nasomye ijambo ry’Imana Muri luka, ubwo Yesu yabajije abigishwa ngo kwizera kwanyu kurihe?

Arongera arababwira ngo, iyaba mwari mufite kwizera kungana n’akabuto ka sinapi mwatega umusozi ukimuka."

Yakomeje ati"rero nahise Ntekereza ko abantu Benshi ku isi babeshejweho no kwizera ko ejo harigihe bizagenda neza kabone n’ubwo yaba ababaye. Rero muri make nashakaga kugaragaza imbaraga n’akamaro ko kwizera."

Ku mishinga Afitiye abantu bakurikirana Umuziki uhimbaza Imana, Antoh yavuze ko yiteguye gukora ivugabutumwa ryagutse kandi ko yizeye ko azaronka abagarukira Imana nkuko yakuze yifuza.

Ati" Nakuze nifuza ko abantu twese twagira umutima umwe tugakundana, tugafashanya Kandi twese tugahurira ku cyifuzo kimwe ( gukorera Imana dukora neza tudacogora) kugirango tuzaragwe ubugingo buhoraho".

Yakomeje agira ati:" Ndifuzako abantu bampfasha kugeza ubutumwa bwanjye kure kugirango twese nibura tuzabwumve kuko niwo musanzu nshoboye gutanga mu ivugabutumwa."

Reba Birarema ya Antoh hano.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO