Ariel Wayz yongeye kuvugisha benshi ku mbuga nkoranyambaga

Mu minsi ishize umuhanzikazi Ariel wayz yagarutsweho cyane ku mbuga nkoranyambaga ndetse no mu binyamakuru byinshi bya hano mu Rwanda ku kibazo yari yagiranye n’uwahoze ari umukunzi we Juno Kizigenza.

Uyu mukobwa usigaye urangwa n’udushya twinshi yongeye kuvugisha benshi nyuma yo gushyira hanze amashusho y’indirimbo ye "10 days" iri kuri Ep ye yise "Love&Lust".

Mu mashusho y’iyi ndirimbo, Ariel Wayz agaragara ari gukorwaho n’undi mukobwa byerekana ko bameze nk’abakundana.

Amafoto niyo yabanjirije aya mashusho y’indirimbo yise "10 days" iri kuri Ep ye nshya yise "Love&Lust"yasohoye mu minsi ishize.

Iyi ndirimbo igaragaramo Ariel Wayz ari kumwe n’undi mukobwa witwa Donia Sbita usanzwe ari umunyamidelikazi bakoranaho nk’uko umugabo cyangwa umugore akora ku mugabo we mu mashusho y’indirimbo zitandukanye.

Muri iyi ndirimbo Ariel Wayz ntiyigeze akoresha igitsinagabo. Ni indirimbo y’urukundo nk’uko byari bimenyerewe.

Uyu muhanzikazi kandi yumvikana aririmba amagambo y’imitoma aba ari gutera uno mukobwa bari kumwe.

Mu bitekerezo byinshi byaje bikurikiye iyi ndirimbo harimo ibyavugaga ko uyu muhanzikazi yaba yamaze kwerura ko ari umutinganyi. Abandi bakavuga ko ibyo yakoze byose ari ubugeni nta gitangaje kirimo.

Reba indirimbo "10 Days" ya Ariel Wayz hano

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO