Nyuma y’amashusho ya Ariel wayz asomana na Juno Kizigenza yamaze amatsiko abavuga ko bakundana

Mu mpera z’icyumweru gishize hasakaye amashusho ya Ariel Wayz ari gusomana na Juno Kizigenza bituma hibazwa niba aba bahanzi baba bakundana, gusa Ariel Wayz yamaze amatsiko abantu barebye iyo Video avuga ko badakundana.

Nyuma yahoo ayo mashusho agiriye hanze benshi mu bakunzi ba muzika bagiye batanga ibitekerezo bitandukanye bamwe bavuga ko aba bombi baba bari mu rukundo ariko baza kubihakana.

Uyu mukobwa mukiganiro yagiranye n’ikinyamakuru cya Chita magic Tv yahishuye byinshi ku cyatumye biriya babikora.

Ati “Uriya munsi twari mu kazi twabikoze mu rwego rw’akazi naho kuba benshi barabonye amashusho dusomana nta kindi cyihishe inyuma yabyo rwose njye mufata n’umuhanzi mugenzi wanjye.

Nkunda ibikorwa bye birimo ubuhanga afite mu muziki , abakomeza kuvuga rero ko twaba turi mu rukundo baribeshya cyane gusa bamenye ko ari inshuti yanjye magara nta kindi kindi kihishe inuma y’ibyo babonye .”

Abajijwe igihe we na Juno kizigenza baba bamaranye mu bushuti bwabo. Yagize ati ”Juno ntabwo tumaze igihe kinini tuziranye kuko namumenye ubwo twahuriraga mu gikorwa cyo gufata amashusho y’indirimbo ye yitwa Mpa Formula, ubucuti bukomeza gutyo kugeza ubwo dukoranye umushinga w’indirimbo yacu nshya twise Away.”


Ariel Wayz avuga ko basomanye bari mu kazi nta kindi kibyihishe inyuma

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO