Arsenal yasaze yasizoye yiyemeje kumena Banki zayo kugirango isinyishe Gabriel Jesus

Nyuma yo gukomeza kwifuza Gabriel Jesus ikipe ya Arsenal yasaze irasizora aho yifuza gukubira Gabriel Jesus umushahara kabiri kugirango abashe kwerekeza muri iyi kipe yamamariza igihugu cy’U Rwanda.

Ikipe ya Arsenal yakomeje kwerekana ubushake bukomeye bwo gusinyisha Gabriel Jesus aho uyu mukinnyi afite imyaka 25 y’amavuko ndetse iyi kipe ni kenshi yagiranye ibiganiro n’uhagarariye uyu mukinnyi witwa Marcelo Pettinati.

Nubwo ikipe ya Arsenal itazakina irushanwa rya Champions League gusa n’ubundi uyu mukinnyi nawe ngo ashishikajwe no kwerekeza mu ikipe ya Arsenal dore ko uyu mukinnyi yabanye n’umutoza Mikel Arteta ubwo yari muri Manchester City.

Gabriel Jesus bivugwa ko yahembwaga amafaranga ibihumbi 110,000by’Amapawundi
Gusa Arsenal ngo yiyemeje kumugeza kubihumbi 200,000 by’Amapawundi hakiyongeraho n’uduhimbazamusyi.

Gabriel Jesus yatwaye ibikombe icyenda bikomeye kuva yagera mu ikipe ya City avuye muri Palmeiras mu mwaka wa 2017.

Kugeza ubu ikipe ya Manchester City irifuza Miliyoni 50 z’Amapawundi kuri uyu mukinnyi isigaje umwaka umwe ku masezerano ye mu ikipe ya Manchester City.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO