Arsenal yinyaye mu isunzu igura rutahizamu Gabriel Jesus imukuye muri Manchester City

Cyera kabaye ikipe ya Arsenal yamaze gusinyisha rutahizamu Gabriel Jesus wakiniraga ikipe ya Manchester City aho uyu musore yamaze gusinya amasezerano y’imyaka 5 ndetse aguzwe akayabo ka miliyoni 45 z’Amayero.

Uyu musore ukomoka mu gihugu cya Brazil yahinduye umuvuno ahitamo kwerekeza mu ikipe ya Arsenal aho asanze umutoza akunda wanamutoje mu ikipe ya Manchester City ariwe Mikel Arteta.

Inkuru y’uyu mukinnyi yatangiye kuba kimono guhera kuwa Gatanu w’iki cyumweru aho amakipe yombi yari yamaze kumvikana ku masezerano y’uyu mukinnyi.

Uyu mukinnyi Gabriel Jesus ahisemo kwerekeza mu ikipe ya Arsenal nyuma y’aho atari yizeye umwanya mu ikipe ya Manchester City nyuma yo kugura Erling Haaland.

Gabriel Jesus yagiriye ibihe byiza muri Manchester City birimo gutwara ibikombe bya shampiyona.

Umutoza Mikel Arteta bivugwa ko ariwe wagize uruhare rukomeye mu gufasha uyu mukinnyi ubwo yamutozaga mu ikipe ya Manchester City ubwo yari umutoza wungirije.

Mu myaka 5 Gabriel Jesus yari amaze muri Manchester City, yayikiniye imikino 159 atsindamo ibitego 58 anatanga imipira 32 ivamo ibitego.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO