Queen Cha na Aristide basezereye rimwe muri The Mane

Umuhanzi Queen Cha hamwe na Gahunzire Aristide wari umujyanama w’inzu ifasha abahanzi ya The Mane baseshe amasezerano bavuga ko basezeye ku mpamvu zabo bwite.

Uyu muhanzikazi yashyize hanze itangazo kuri uyu wa Mbere yavuze ko yasheshe amasezerano yari afitanye na The Mane ku bw’impamvu atatangaje.

Queen Cha ariko yashimiye The Mane Music uruhare rukomeye yagize mu iterambere rya muzika ye mu gihe bari bamaranye.

Si Queen Cha gusa wasezeye kuko na Aristide Gahunzire wari ushinzwe gukurikirana abahanzi muri The Mane nawe yanditse avuga ko ahagaritse amasezerano bari bafitanye ku bw’impamvu ze bwite.

Yagize ati "Ndashimira abagize The Mane bose abahanzi ndetse n’ubuyobozi bwayo uburyo mwanyakiriye ku munsi wa mbere nk’umujyanama wa The Mane. Twanyuranye mu byiza n’ibibi ariko Twabashije kubyitwaramo neza dufatanyije.”

Yavuze ko yishimiye umusaruro w’ibyo bagezeho bari kumwe mu gihe gito bari bamaranye. Anishimira ubumenyi n’umuhate akuye muri The Mane.

Queen Cha yinjiye muri The Mane muri 2018 ahasanze Safi Madiba. Abaye umuhanzi wa gatatu usezeyemo nyuma ya Jay Polly na Safi Madiba.

Gahunzire Aristide we yaramaze igihe cyingana n’umwaka n’igice akorera muri The Mane kuko yahaje avuye muri Kina Music.

Iyi nzu ifasha abahanzi ya The Mane ubu isigaranye abahanzi babiri barimo Marina na Calvin Mbanda.


Queen Cha na Aristide basheshe amasezerano muri The Mane

Marina na Mbanda nibo basigaye muri The Mane

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO