Arteta akomeje gukubita ahababaza amakipe y’ibigugu nyuma yo kwisasira Manchester United

Umutoza Mikel Arteta akomeje kwandika amateka meza mu ikipe ya Arsenal dore ko iyi kipe amaze kuyigarura mu bihe byiza nyuma yo gutsinda imikino ibiri ikomeye.

Ibi bije nyuma y’aho uyu mutoza ukomoka mu gihugu cya Esipanye atsinze imikino ibiri ikomeye kandi abasesenguzi benshi barahamyaga ko ashobora kuyitsindwa.

Kuri uyu munsi wa gatandatu ku isaha ya saa saba n’igice z’aha I Kigali ikipe ya Arsenal y’umutoza Mikel Arteta yari yakiriye ikipe ya Manchester United ku kibuga Emirates Stadium gikinirwaho n’ikipe ya Arsenal.

Uyu mukino watangiye amakipe yombi yatakana kuburyo bukomeye gusa ntibyatinze kuko ikipe ya Arsenal yahise ifungura amazamu ku munota wa gatatu w’umukino aho iki gitego cyatsinzwe n’Umuya Portigal Nuno Tavarez Albertighno Varera.

ndetse iyi kipe yongeye gutsinda igitego cya kabiri kuri penaliti ku ikosa ryakorewe umwongereza Bukayo Saka ndetse aza no gutera iyo penaliti arayinjiza gusa ntibyatinze kuko Cristiano Ronaldo yahise nawe atsinda igitego cya mbere cya Manchester United bityo igice cya mbere kirangira gutyo.

Mu gice cya kabiri ikipe ya Manchester United yahushije uburyo bufatika ndetse umukinnyi Bruno Fernandes yaje guhusha Penaliti yagombaga kuvamo igitego cya kabiri cya Manchester United, gusa umukinnyi Granit Xhaka ukomoka mu Busuwisi niwe watsindiye Arsenal igitego cy’agashinguracumu maze umukino urangira utyo.

Kuri ubu ikipe ya Arsenal ihise irusha Manchester United amanota atandatu ndetse urugamba rwo kurwanira umwanya wa kane rurakomeye hagati ya Arsenal na Tottenham Hotspurs dore ko abasesenguzi bose bavuga ko aya makipe abiri ariyo azitoranyamo igomba kuba iya kane.

Arsenal yakinnye uyu mukino idafite abakinnyi babiri bayo bakomeye barimo Thierney ndetse n’umukinnyi ukomoka mu gihugu cya Ghana ariwe Thomas Partey.

Magingo aya Arsenal n’ikipe abasesenguzi bahamya ko ibura abakinnyi bafite ubunararibonye nubwo bwose ikomeje kwitwara neza dore ko abakinnyi bayo bane barimo Eddie Nketiah,Bukayo Saka, Emily Smith Lowe hamwe naGabriel Martinelli bakomeje kwitwara neza kandi bakiri bato

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO