Asinah yigaramye Alto mugihe we agishimangira ko ari agafi yirobeye

Asinah Errah yahakanye amakuru yatangajwe n’umuhanzi Alto wavuze ko bakundana, yemeza ko afite undi bakundana utari uyu musore we wavuze ko ubu bameranye neza.

Kuri uyu wa Gatatu tariki 5 Mutarama 2022 nibwo umuhanzi Alto yitangarije ko akundana na Asinah Erra bitewe n’amashusho yashyize hanze aberekana bombi bahuje urugwiro.

Alto aganira na Genesisbizz.com yavuze ko bakundana nubwo ntagihe biramara gusa ngo ubushuti bwabo bukaba bwaratangiriye kuri hoteli imwe mu Mujyi wa Kigali.

Mu gitondo cyo kuri uyu wa Kane Asinah yabyukanye uburakari bwinshi avuga ko iby’urukundo rwavuzwe hagati ye na Alto ari ibinyoma yemeza ko afite umukunzi umwe n’ubwo yirinze kumugaragaza neza isura ye.

Ibi yabikoze yerekana amashusho arikumwe n’uwo musore arangije ahisha isura ye ariko hasi ashyiraho umutima. Yerekanaga ko ibyo bavuze ari ibihuha.

Asinah yanasabye ibinyamakuru byose byanditse iyi nkuru kuyisiba cyangwa se akitabaza ubutabera.

Niba koko nta rukundo ruri hagati ya Alto na Asinah, uyu musore yaba yarabikoze kugira ngo avugwe dore ko ari hafi gusohora indirimbo yise Ntaribi.

https://genesisbizz.com/Nanjye-byambera-Alto-yahamije-ko-asigaye-akundana-na-Asinah


Nubwo yahishe isura ye Asinah yagize ati "Mureke ibihuha uyu niwe mugabo wanjye."

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO