Assia yashyize hanze igice cya kabiri cya filime yise Gatarina

Izina Mutoni Assia ni izina rimaze kumenyekana cyane mu ruganda rwa Sinema nyarwanda , Uyu mukobwa wakunzwe cyane muri filime zitandukanye nyuma y’Imyaka ibiri adakora cyane kuri ubu yashyize hanze Igice cya kabiri cya Filime ye yakunzwe na Benshi yise “Gatarina .

Asssia ukunze kugaragaza inyota yo gukora cyane kuri sinema nyarwanda nyuma y’uko igice cya Mbere cya gatarina kirangiye, yafashe umwanya uhagije atangaira gukora ku gice cya Kabiri yatangiye gushyira hanze abinyujije ku rubuga rwe rwa Youtube ruzwi nka Assia Films.

Mu kiganiro na Genesisbizz Assia yadusangije ku mvune ndetse n’imbogamizi ahura nazo mu gihe ari kwandika inkuru z’iyi filime kubera ko atabikora byonyine kuko akenshi aba afite ibindi bintu aba agomba kwitaho cyane mu buzima bwa buri Munsi.

Yagize ati “ ni bintu bingora cyane kwandika inkuru za filime yanjye kandi mfite n’Ibindi bintu byinshi nkora ,ati ubu uwakubwira ukuri ko ubu uyu ari umwaka wa Kabiri nkora ku Gice cya Kabiri kubera ibintu byinshi biba bikenewe mu nkuru wanditse.

Assia yakomeje avuga ko iyo umaze kwandika inkuru hari igihe bisaba umuntu ko ahindura abakinnyi kandi byari bigeze ku musozo aho bagiye gutangira gukina , bikaba ngombwa ko uwo mukinnyi atajyanye nibyo bashaka ko akina bigatuma byinshi mubyo muba mwateganyije bihinduka hafi ya byose.

Mu gusoza Uyu mukobwa yasabye abanyarwanda gufata sinema bakayiha agaciro bakareka kwishyiramo ko iyo umuntu agiye gukina filime aba agiye kwigira ikirumbo, indaya cyangwa ibindi kuko ari akazi nk’akandi kose kuko gatunze benshi mu bakinnyi bazwi hano mu Rwanda kandi bizera ko sinema Nyarwanda kugeza ubu itangijye gufatwa neza cyane ku ruhando mpuzamahanga , abasaba gukomeza kubashyigikira kuko aribo bakorera.

Assia kandi yasabye abakunzi ba filime ze ko kugeza ubu yatangiye kubakorera indi filime nshya yise Long Distance nayo ikaba izajya hanze mu minsi yavuba kabone ko amaze kubakorera uduce twayo tubiri .

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO