BURKINA FASO:Radiyo Mpuzamahanga y’Ubufaransa(RFI) yahagaritswe izira gutangaza amakuru ya munyangire

Inkuru dukesha ibiro ntaramakuru by’Ubufaransa AFP iravuga ko Leta ya Burkina Faso yafashe umwanzuro wo guhagarika Radiyo Mpuzamahanga y’Ubufaransa nyuma yo gutambutsa ubutumwa bw’umwe mu bantu baba mu mitwe y’iterabwoba.

Igihugu cya Burkina Faso cyije ku mwanya wa Kabri nyuma ya Mali nayo yari yafashe umwanzuro wo guhagarika iyi Radiyo umwaka ushize wa 2021.

RFI irashinjwa na Leta ya Burkina Faso gutanga umwanya ku gatsiko kiganjemo abari mu mitwe y’iterabwoba maze bagakwiza amakuru agamije guhahamura abaturage ndetse ibi byatangajwe n’umuvugizi wa Leta bwana Jean Emmanuel Ouedraogo.

RFI kandi irashinjwa na Leta ya Burkina Faso gutangaza amakuru arimo ibihuha byinshi bidafite ishingiro ku buryo ngo ari amakuru ashobora kuyobya abanyagihugu cyangwa akabatera guhangayika.

Mu cyumweru gitambutse nibwo kandi RFI yatangaje ko muri Burkina Faso habayeho umugambi wa Coup d’Etat ariko ukaza kuburizwamo ndetse ibi byatewe utwatsi n’ubutegetsi.

Dushingiye ku makuru yatanzwe na Radiyo RFI avuga ko iyi nsakazamajwi yumvikanaga nibura ku kigero cya 40% aho abaturage babashaga kuyumva ndetse n’abayobozi bakuru b’iki gihugu ngo bayitegaga amatwi ku kigero cya 70%.

Umunyamakuru ukorera ibiro ntaramakuru by’Ubufaransa AFP ubwo yari i Ouagadougou yatangaje ko iyi radiyo itagishobora kumvikana mu gihugu cya Burkina Faso guhera ku gicamunsi cyo kuri uyu wa Gatandatu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO