Babo yituye ineza umubyeyi we Amutembereza muri Parike y’Akagera – Amafoto

  • by
  • 5/11/2021 saa 14:39

Umuhanzikazi Babo uri kubarizwa mu Rwanda yituye ineza yagiriwe n’umubyeyi we ubwo yagiraga isabukuru y’amavuko akamuha imodoka. We kuya Se umubyara yahisemo kumutembereza muri Parike y’Akagera.

Babo ni umwana ufite umubyeyi umwe w’Umunyarwandakazi na Se ukomoka mu gihugu cy’Ubudage.

Ubwo uyu muhanzi aheruka inaha yagize isabukuru y’amavuko yabereye mu Bwato, mu karere ka Karongi mu kiyaga cya Kivu.

Kuri uwo munsi ababyeyi ba Babo bamuhaye imodoka mu rwego rwo kumushimira no kumwereka urukundo rw’ababyeyi.

Babo wakozwe ku mutima nicyo gikorwa nawe ntabwo yaviriyemo aho dore ko yaje kwitura Se (Papa) umubyara nawe aramutungura ku munsi mukuru w’amavuko.

Aganira na Genesis TV yavuze ko yagiye kumutembereza muri Parike y’Akagera kuko haba inyamanswa akunda.

Ati “Ni umuntu nkunda cyane, ku munsi we mba ngomba kumushimisha cyane, ubu byarahuriranye agira isabukuru y’amavuko ari mu Rwanda mpitamo kumutembereza Akagera kuko nziko atazigera abyibagirwa mu buzima bwe.”

Babo akomeza avuga ko umubyeyi we yishimye cyane. Ati “Yarambwiye ngo uburyo namutunguye nabikoze nk’abantu bakuru.”

Kuba afite ababyeyi bamushyigikira mu kazi akora ka muzika avuga ko nawe atazigera abatenguha. Ati “Nabasezeranyije ko nzagera ahantu hashimishije muri make ko nta buzima bubi nzigera mbamo arinjye ubyiteye.”

Amafoto yerekana Babo hamwe n’umubyeyi we ubwo basuraga Parike y’Akagera




Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO