Bahati Makaca agiye kumurika filme y’uruhererekane yise Super Star

Umuhanzi akaba n’umukinnyi wa Filime Bahati Makaca wahoze mu itsinda rya Just Family ubu akaba yarihebeye Sinema agiye gushyira hanze filime ye nshya y’uruhererekane yise Super Star.

Mu kiganiro na GENESISBIZZ uyu mugabo yadutangarije byinshi kuri ii filime ye agiye gushoroa nyuma y’izindi ebyiri z’uruhererekane zakunzwe cyane nka Mbaya Series na Love Story.

Yagize ati “Filime Super Star nakoze nshaka kwerekana ibintu bikunze kuba muri sosiyete Nyarwanda kenshi ikaba ivuga ku musore w’icyamamare warongoye umugore ariko mu rugo rwabo bakagira ikibazo cyo kutabyara bikaba ngombwa ko azajya yitaba inshuti z’abahungu ngo zimuterere inda umugore arebe ko yabona ibyishimo by’urugo rurimo umwana."

Yakomeje avuga ko iyi filime kugeza ubu igikorwa cyo kuyitunganya yakirangije aho bagiye bayikinira mu bice byinshi nyaburanga by’umujyi wa Kigali.

Ku bijyane n’imyiteguro yo kumurika iyo filime yadutangarije ko igikorwa nyamukuru giteganyijwe tariki ya 19 Ugushyingo 2021 mu busitani bwa Heart Land (Ahahoze Mount Kenya Hotel) i Nyamirambo hakaba hateganyijwe ko icyo gikorwa kizabimburirwa no gutambuka kw’itapi itukura ku byamamare bizaba byitabiriwe ibyo birori.

Mu gusoza yatubwiye ko kwinjira ari 5000Frw ukabonamo icyo kunywa na 2000Frw ndetse no kuba wipimishije Covid-19.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO