Bahati yamuritse Filime ivuga ku buzima bwe yashoyemo arenga Miliyoni 6

Bahati Makaca wakanyujije ho mu muziki mu itsinda rya Just Family yamuritse ku mugaragaro filime ye nshya yise ‘SuperStar’ avuga ko ibikubiyemo ari ibyo yanyuzemo mu buzima bwo kwamamara.

Ni filime y’uruhererekane yise ‘Super Star’ ije isanga izindi yakoze zirimo iyitwa ‘Mbaya’ hamwe na ‘True Love’ zose zigikorwa.

Mukiganiro yagiranye n’itangazamakuru yavuze ko iyi filime ariwe wayanditse ayibera n’umuyobozi.

Ati “Ni filime yanjye. Inkuru yayo ivuga ku muntu uba ari icyamamare mu muziki nyuma akaza kubivamo akigarurira Sinema muri urwo rugendo aza gushaka umugore ariko bakaza kubura urubyaro.”

Muri uko kubura urubyaro umugore atangira kujya aca amazi umugabo akajya amuca inyuma. Bombi baza kujya umugambi wo gushaka umuntu wo hanze wazaza agatera umugore we inda cyangwa umugabo agashaka uwo ayitera hanze noneho bakamwishyura ubundi bagasigarana umwana gusa.

Akomeza avuga ko muri ibyo yaje guhura n’umukobwa wari umufana we baza kuryamana muri ubwo buryo gusa biza kurangira bahararanye cyane kugeza n’ubwo umugore w’isezerano yahukana.”

Iyo filime ye ubu ngo yamaze gukora Season ya mbere ifite Episodes 50. Uburyo bwo kuyicuruzamo aracyavugana n’ibigo byamuteye inkunga hamwe n’ibigo by’itangazamakuru.
Mu gukora iyo filime avuga ko yashoyemo amafaranga arenga miliyoni esheshatu z’Amanyarwanda.

Mu rwego rwo kwereka abakunzi ba Sinema Nyarwanda iyo filime yanateguye igitaramo kizaba taliki ya 19 Ugushyingo, kibere I Nyamirambo kuri Heartland Hotel ku masaha y’umugoroba.

Kwinjira bizaba ari ibihumbi bitanu harimo icyo kunywa hamwe n’ibihumbi bibiri. Ikindi ni uko umuntu uzahaza asabwa kuba yarafashe byibuze urukingo rumwe rwa Covid-19, afite n’ubutumwa bwerekana ko yipimishije iyo ndwara.

Inshamake yerekana iyo filime nshya ’Super Star’ ya Bahati

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO