Bamporiki ku Amavubi ati “Umutsindo tubonye uduhwiturire urugamba rw’ejo”

Umunyamabanga wa Leta muri Minisiteri y’Urubyiruko n’Umuco, Edouard Bamporiki yatangajeko kuba Amavubi yanganyije na Cameroun nabyo ari ubutwari gusa ko umutsindo babonye ari uwo kubahwitura ku rugamba rw’ejo.

Ikipe y’igihugu Amavubi nyuma yaho inganyirije muri Cameroun ikabura n’itike yo kujya muri CAN, abantu batandukanye bagiye bayivugaho n’abandi bakanenga imisifurire yaranze uwo mukino.

Umunyamabanga wa Leta muri Minisiteri y’Urubyiruko n’Umuco, Edouard Bamporiki yavuze ko ibyo bakoze ari ibyo kubahwitura kugirango urugamba bafite imbere bazarwitwaremo neza.

Ati “Kwimana urwanda si ukugugwiza ibitego gusa, si ugucyura iminyago gusa. No kugwa miswi n’uguhiga ubutwari, ni ukwesa umuhigo waguhesha gusomera ku ntango y’imihigo, ukavuga amacumu utarambaraye.Urwanda, mwarwimanye uko mushoboye, umutsindo tubonye uduhwiturire urugamba rw’ejo.”

Nyuma y’iyi mikino biteganyijwe ko Amavubi azongera gukina mu kwezi kwa Kamena arimo gushaka itike yo kwerekeza mu gikombe cy’Isi kizabera muri Qatar. Itsinda barimo barikumwe na “Mali, Uganda na Kenya.”

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO