Bashunga Abouba wakinaga muri Zambia yasinyiye Mukura Vs

Uwahoze ari umuzamu wa Rayon Sport akaza kuyivamo akajya muri Zambia muri Buildcon Bashunga Abouba, yamaze gutandukana n’iyi kipe asinya mu ikipe ya Mukura Victory Sport.

Uyu musore watandukanye na Rayon Sport mu 2019, yari amaze umwaka umwe akina mu gihugu cya Zambia mu ikipe ya Buildcon Fc, aho yari yarasinye imyaka ibiri y’amasezerano.
Bashunga akaba yatangarije Radio 1 ko ahavuye bitewe n’ubushobozi bw’ikipe bwagabunyutse ku kigendanye n’umufuka.

Uyu musore kandi yatangaje ko yamaze gusinya mu ikipe ya Mukura Victory Sport umwaka umwe w’amasezerano ushobora kongerwa. Bashunga yavuze ko impamvu yasinye umwaka umwe aruko ashobora kujya gukina hanze mu mwaka utaha.

Yagize ati: “Twaganiriye na Perezida ni umuntu mwiza cyane, mbasobanurira ibyo mfite na gahunda zanjye ko ari ugusubira hanze kuko burya uwagiye hanze aba afite uburyo atekereza bwo kugenda, nabasabye ko bashyira mu masezerano ko nshobora kugenda mu kwezi kwa Mutarama.”

Bashunga Abouba yazamukiye mu ishuri ry’umupira rya APR FC , yanakiniye amakipe atandukanye arimo Gicumbi FC, Bandari FC yo muri Kenya, ndetse na Rayon Sports yamenyekaniyemo cyane. Kuri ubu yakinaga muri Buildcon Fc yo muri Zambia.
Bashunga Abouba wasinye muri Mukura Vs

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO