Basketball: Davis D azaririmba ku mukino wa Patriots na REG BBC.

Kuri uyu wa Gatanu tariki 14 Gashyantare 2020, hazakomeza shampiyona ya basketball hano mu Rwanda, aho ikipe ya REG Basketball Club izacakirana na Patrios BBC, uyu mukino ukaba uzaririmbwamo n’umuhanzi Davis D.

Uyu mukino ukaba uteganyijwe kuba ku munsi w’ejo kuri Petit Stade saa 20h00, aho uzabanzirizwa n’undi mukino uzahuza Tigers BBC ndetse na Espoir BBC.

Umuhanzi w’umunyarwanda ukunzwe cyane mu ndirimbo zitandukanye harimo Dede aherutse gushyira hanze ndetse n’izindi nyinshi, azaba ari kuri uyu mukino asusurutsa abakunzi b’amakipe yombi muri uyu mukino wa Basketball usigaye ufite abakunzi benshi mu Rwanda.

Davis D azaririmba hagati mu mukino wa REG na Patriots BBC

Ishyirahamwe ry’umukino wa Basketball mu Rwanda Ferwaba, rimaze iminsi ryifashisha abahanzi batandukanye kugira ngo babafashe gususurutsa abafana mu gihe habayeho ikiruhuko mu duce tubiri tubanza.

Abahanzi baherukaga kuririmba muri iki gikorwa harimo Sintex, Bruce Melody n’abandi barimo abavangavanga imiziki (Abadije) bose bagiye bitabira imikino imwe n’imwe ya basketball mu Rwanda.

Uretse kandi umuhanzi David D uri mu bazitabira ndetse akanaririmba mu mukino hagati wa Patriots BBC ndetse na REG BBC, hazaba hari itsinda ry’ababyinnyi basanzwe bazwi mu mujyi wa Kigali bitwa POOM POM Girls nabo basanzwe bitabira imikino ya Baskteball ariko mu buryo bwo kubyina.

POM POM girls, abakobwa bamenyerewe mu kubyina muri Kigali

Umukino waherukaga guhuza ikipe ya REG Basketball Club ndetse na Patriots BBC warangiye REG itsinze Patriots inayitwara igikombe CY’Agaciro Tournament.

Ubwo REG yatsindaga Patriots ikayitwara igikombe cy’Agaciro

Uretse kandi imikino ibiri iri ku munsi wo ku wa Gatanu, hari n’indi iteganyijwe mu mpera z’icyumweru:
Umunsi wa 7 : Ku wa Gatanu tariki 14/02/2020/ Petit Stade Amahoro
18h00 TIGERS vs ESPOIR
20h00 REG vs PATRIOTS

Umunsi wa 8: ku wa Gatandatu tariki 15/02/2020

Musanze

09h00 GS Marie Reine Rwaza vs UR Huye/W RWAZA
12h00 RP IPRC Musanze vs UR Huye - IPRC Musanze

Kigali

14h00 30 Plus vs RUSIZI /RAFIKI
14h00 RP IPRC Kigali vs TIGERS /RP IPRC Kigali
16h00 PATRIOTS vs Shoot For The Stars /RP IPRC Kigali

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO